சினிமா
மீண்டும் இணைந்த விஜய் - யுவன் காம்போ
விஜய் நடித்த புதிய கீதை படத்திற்கு இசையமைத்திருந்த யுவன் சங்கர் ராஜா, தற்போது மீண்டும் அவருடன் இணைந்துள்ளார்.
விஜய்யின் 64-வது படம் மாஸ்டர். லோகேஷ் கனகராஜ் இயக்கி இருக்கும் இப்படத்தில் விஜய்யுடன் விஜய் சேதுபதி, அர்ஜுன் தாஸ், மாளவிகா மோகனன், ஆண்ட்ரியா, கவுரி கிஷன், வி.ஜே.ரம்யா, ஸ்ரீமன் ஆகியோரும் நடித்துள்ளனர். சத்யன் சூரியன் ஒளிப்பதிவு செய்துள்ள இந்த படத்துக்கு அனிருத் இசையமைத்துள்ளார்.
இந்நிலையில், மாஸ்டர் படத்தின் டிராக் லிஸ்டை படக்குழு வெளியிட்டுள்ளது. அதன்படி இப்படத்தில் இடம்பெறும் அந்த கண்ண பாத்தாக்கா எனும் பாடலை இசையமைப்பாளர் யுவன் சங்கர் ராஜா பாடியுள்ளார். இப்பாடலை விக்னேஷ் சிவன் எழுதியுள்ளார். நீண்ட இடைவெளிக்கு பிறகு விஜய் படத்திற்காக யுவன் பாடியுள்ளதால், அப்பாடலுக்கு ரசிகர்களிடையே எதிர்பார்ப்பு அதிகரித்துள்ளது.
The Musical Masters @thisisysr, @Music_Santhosh and @anirudhofficial have lended their voices for our one and only MASTER!
— XB Film Creators (@XBFilmCreators) March 15, 2020
Chartbuster album is all set to rule from today! 😎🔥 #Master#MasterTrackList#MasterAudioLaunch@actorvijay@VijaySethuOffl@Dir_Lokesh@SonyMusicSouthpic.twitter.com/9YCSASfIA3
இதேபோல் பொலக்கட்டும் பற பற எனும் பாடலை இசையமைப்பாளர் சந்தோஷ் நாராயண் பாடியுள்ளார். மாஸ்டர் படத்தின் இசை வெளியீட்டு விழா இன்று மாலை நடைபெற உள்ளது. இந்த விழா தொலைகாட்சியில் நேரடி ஒளிபரப்பு செய்யப்பட உள்ளது குறிப்பிடத்தக்கது.