விபத்துகளை தவிர்க்க சினிமா ஊழியர்களுக்கு பாதுகாப்பு குழு ஒன்றை அமைக்க கமல்ஹாசன் முடிவு செய்திருப்பதாக கூறப்படுகிறது.
கமல்ஹாசன்
ஷங்கர் இயக்கத்தில் கமல்ஹாசன் நடிக்கும் இந்தியன் 2 படத்தின் படப் பிடிப்பில் கிரேன் விழுந்த விபத்தில் மூன்று பேர் பலியானார்கள். இந்த சம்பவத்தை தொடர்ந்து சினிமா துறையில் ஊழியர்களுக்கு உள்ள பாதுகாப்பு வசதிகள் குறித்து கேள்வி எழுப்பப்பட்டது. சினிமா ஊழியர்களின் பாதுகாப்புக்கு சம்பந்தப்பட்ட பட நிறுவனங்கள் பொறுப் பேற்க வேண்டும் என கமல்ஹாசன் அறிக்கை விடுத்தார்.
இதையடுத்து கமல் ஹாசனின் ராஜ்கமல் பிலிம்ஸ் அலுவலகத்தில் ஊழியர்கள் பாதுகாப்பு குறித்த ஆலோசனை கூட்டம் நடைபெற்றது. இயக்குனர் ஷங்கர், பெப்சி தலைவர் ஆர்.கே.செல்வமணி, இயக்குனர்கள் பாலாஜி சக்திவேல், லிங்குசாமி, தயாரிப்பாளர்கள் சத்யஜோதி தியாகராஜன், சிவா உள்ளிட்டோர் கலந்து கொண்டனர்.
இந்த கூட்டத்தில் சினிமா ஊழியர்களுக்கு ‘பாதுகாப்பு குழு’ ஒன்றை அமைக்க தீர்மானம் செய்யப்பட்டுள்ளதாக தகவல்கள் வெளியாகியுள்ளது. அந்த பாதுகாப்பு குழுவின் செயல்பாடுகள் என்ன என்பது குறித்த தகவல்கள் இன்னும் வெளியாகவில்லை.
Related Tags :