தனுஷுடன் மோதும் விஷால்

எம்.எஸ்.ஆனந்த் இயக்கத்தில் விஷால் நடிக்கும் புதிய படம் சக்ரா. இப்படத்தில் விஷாலுக்கு ஜோடியாக ஸ்ரத்தா ஸ்ரீநாத் நடிக்கிறார். மேலும் ரெஜினா, ரோபோ சங்கர், மனோபாலா, கே.ஆர்.விஜயா ஆகியோர் முக்கிய கதாபாத்திரங்களில் நடிக்கின்றனர். விஷாலே இந்த படத்தை தயாரிக்கிறார். இந்த படத்தில் விஷால் ராணுவ அதிகாரியாக நடித்துள்ளார். 

சக்ரா படத்தின் படப்பிடிப்பு இறுதிகட்டத்தை எட்டியுள்ளது. சில தினங்களில் படப்பிடிப்பு நிறைவு பெறும் என கூறப்படுகிறது. இப்படத்தை மே 1-ந் தேதி உழைப்பாளர் தினத்தன்று வெளியிட உள்ளதாக தகவல் வெளியாகியுள்ளது. இதேபோல் தனுஷ்-கார்த்திக் சுப்புராஜ் கூட்டணியில் உருவாகி இருக்கும் ‘ஜகமே தந்திரம்’ படமும் அதே தினத்தன்று ரிலீசாக உள்ளது குறிப்பிடத்தக்கது.