கவுதம் மேனன் படத்தில் இசையமைப்பாளர் மாற்றம்

வேல்ஸ் பிலிம் இண்டர்நேஷனல் நிறுவனம் சார்பில் ஐசரி கணேசன் தயாரித்திருக்கும் படம் ‘ஜோஷ்வா இமைபோல் காக்க’. இப்படத்தை கவுதம் மேனன் இயக்கியுள்ளார். பப்பி படத்தில் நடித்த வருண் இதில் கதாநாயகனாக நடித்துள்ளார். நடிகை ராஹே இப்படம் மூலம் நாயகியாக அறிமுகமாகிறார். இப்படத்தின் படப்பிடிப்பு முடிந்து பின்னணி வேலைகள் மும்முரமாக நடைபெற்று வருகின்றன.

கவுதம் மேனனின் ‘எனை நோக்கி பாயும் தோட்டா’ படத்திற்கு இசையமைத்த தர்புகா சிவா தான், ஜோஷ்வா படத்திற்கும் இசையமைக்க உள்ளதாக கூறப்பட்டது. ஆனால் தற்போது இப்படத்தின் இசையமைப்பாளர் குறித்த அதிகாரப்பூர்வ தகவல் வெளியாகியுள்ளது. அதன்படி பிரபல பாடகர் கார்த்திக், ஜோஷ்வா படத்திற்கு இசையமைக்க உள்ளார். இவர் ஏற்கனவே அரவான், தமிழ் செல்வனும் தனியார் அஞ்சலும் போன்ற படங்களுக்கு இசையமைத்துள்ளது என்பது குறிப்பிடத்தக்கது.