சினிமா
ரீமேக் படத்திற்கு இசையமைக்கும் இளையராஜா
தமிழ் திரையுலகில் முன்னணி இசையமைப்பாளராக இருக்கும் இளையராஜா, அடுத்ததாக ரீமேக் படம் ஒன்றிற்கு இசையமைக்க உள்ளார்.
'உயிர்', 'மிருகம்' 'சிந்து சமவெளி' போன்ற படங்களை இயக்கியவர் சாமி. இவர் அடுத்ததாக 'அக்கா குருவி' என்ற படத்தை இயக்கி உள்ளார். இது பெர்சியன் மொழியில் கடந்த 1997-ம் ஆண்டு வெளியாகி பல உயரிய விருதுகளை வென்ற 'சில்ரன் ஆஃப் ஹெவன்' படத்தின் ரீமேக் ஆகும்.
இப்படம் குறித்து இயக்குனர் சாமி கூறுகையில், இப்படத்திற்கு இசையமைக்க இளையராஜாவை அணுகினேன். அவர் படத்தை எடுத்துட்டு வாருங்கள் என்று கூறிவிட்டார். படம் முடிந்ததும் அவரிடம் போட்டுக் காண்பித்தேன். உடனே இசையமைக்க ஒப்புக் கொண்டார். தற்போது, பின்னணி இசையமைக்கும் பணியைத் தொடங்கி விட்டார்.
இப்படத்தின் இசை வெளியீட்டு விழாவை அடுத்த மாதம் நடத்த திட்டமிட்டுள்ளோம். இதற்கு சிறப்பு விருந்தினராக 'சில்ரன் ஆஃப் ஹெவன்' படத்தை இயக்கிய இயக்குனர் மஜீத் மஜிதியை அழைக்கவிருக்கிறேன். இப்படத்தை என் நண்பர்களுடன் இணைந்து தயாரித்துள்ளேன்.
இவ்வாறு அவர் கூறினார்.