சினிமா
முடியை விமர்சித்தவருக்கு பதிலடி கொடுத்த ஓவியா
நடிகையும், பிக்பாஸ் நிகழ்ச்சி மூலம் மிகவும் பிரபலமான நடிகை ஓவியா, தன்னுடைய முடியை விமர்சித்தவருக்கு பதிலடி கொடுத்திருக்கிறார்.
நடிகை ஓவியா எப்போதும் வெளிப்படையாக தன்னுடைய கருத்தை கூறுபவர். அதற்காகவே அவருக்கு பிக்பாஸ் நிகழ்ச்சி நடந்தபோது ஆர்மி துவங்கப்பட்டது. அப்போது அவருக்கு அதிக அளவில் ரசிகர்கள் இருந்தனர்.
பிக்பாஸ் வீட்டில் இருந்து வெளியில் வந்த கையோடு தன்னுடைய ஹேர் ஸ்டைலை மாற்றினார் ஓவியா. தன் முடியை கேன்சர் பாதித்தவர்களுக்கு விக் செய்ய கொடுத்துவிட்டதாக கூறினார். அப்போது இருந்தே ஓவியா முடியை நீளமாக வளர்க்காமல் ஒரே விதமான ஹேர் ஸ்டைலில் இருக்கிறார்.
இதை சில நாட்களுக்கு முன்பு ரசிகர் ஒருவர் விமர்சித்துள்ளார். இதற்கு பதிலடி கொடுத்துள்ள ஓவியா, “நான் மூளையை
வளர்க்க நினைக்கிறேன், முடியை அல்ல” என கூறியுள்ளார். மேலும் “வருத்தப்படாதீங்க.. நான் விக் வெச்சிக்கிறேன்” என குறிப்பிட்டுள்ளார்.