புதிய உச்சத்தை தொட்ட ஒரு குட்டி கதை

விஜய் தற்போது லோகேஷ் கனகராஜ் இயக்கத்தில் நடித்து வருகிறார். மாஸ்டர் என பெயரிடப்பட்டுள்ள இப்படத்தில் வில்லனாக விஜய் சேதுபதி நடிக்கிறார். மேலும் மாளவிகா மோகனன், ஆண்ட்ரியா, சாந்தனு, அர்ஜூன் தாஸ், கௌரி கிஷன் உள்ளிட்ட பலர் நடிக்கிறார்கள்.

சமீபத்தில் இப்படத்தின் படப்பிடிப்பு நெய்வேலியில் நடைபெற்றது. விஜய் இதில் கல்லூரி பேராசிரியராக நடித்து வருகிறார். இந்நிலையில், விஜய் பாடி அனிருத் இசையமைத்திருக்கும் ஒரு குட்டி கதை என்ற பாடல் காதலர் தினத்தை முன்னிட்டு வெளியானது.

வெளியான சில வினாடிகளிலேயே பல பார்வையாளர்களை கடந்து சமூக வலைத்தளத்தில் வைரலானது. தற்போது இந்த பாடல் 12 மில்லியன் பார்வையாளர்களை கடந்து சாதனை படைத்துள்ளது.