சினிமா
பிகில் பட விழாவை புறக்கணித்த நயன்தாரா
அட்லீ இயக்கத்தில் விஜய் நடிப்பில் உருவாகி இருக்கும் ‘பிகில்’ படத்தின் இசை வெளியீட்டு விழாவை நயன்தாரா புறக்கணித்து இருக்கிறார்.
விஜய் நடிப்பில் தற்போது உருவாகி இருக்கும் படம் ‘பிகில்’. அட்லீ இயக்கி இருக்கும் இப்படத்தில் விஜய்க்கு ஜோடியாக நயன்தாரா நடித்துள்ளார். மேலும் டேனியல் பாலாஜி, இந்துஜா, கதிர், ஆனந்த் ராஜ் உள்ளிட்ட பலர் முக்கிய கதாபாத்திரத்தில் நடித்திருக்கிறார்கள்.
இப்படத்தின் இசை வெளியீட்டு விழா சென்னையில் நடைபெற்றது. இதில் விஜய், கதிர், டேனியல் பாலாஜி உள்ளிட்ட படக்குழுவினர் பலரும் கலந்துக் கொண்டனர். ஆனால், படத்தின் நாயகி நயன்தாரா இந்த விழாவில் கலந்துக் கொள்ளவில்லை.
பொதுவாக தான் நடிக்கும் படங்களின் விழாக்கள், புரமோஷன்களில் நடிகை நயன்தாரா கலந்துக் கொள்வதில்லை. ஆனால், விஜய் படம் என்பதால் இந்த விழாவில் கலந்துக் கொள்வார் என்று எதிர்பார்க்கப்பட்டது. ஆனால், இந்த விழாவிலும் நயன்தாரா கலந்துக் கொள்ளவில்லை. இது நயன்தாரா ரசிகர்களுக்கு ஏமாற்றமாக அமைந்திருக்கிறது.