சினிமா
நடிகர் சங்க தேர்தல் இன்று சென்னையில் நடைபெற்று வரும் நிலையில், நடிகர் ஆர்யா சைக்கிளில் வந்து வாக்களித்திருக்கிறார்.
நடிகர் சங்க தேர்தல் புனித எப்பாஸ் பள்ளியில் இன்று காலை 7 மணிக்கு தொடங்கியது. பல நடிகர்கள் மிகவும் ஆர்வத்துடன் வாக்களித்து வருகின்றனர். விஷால், குஷ்பு, சார்லி, சங்கீதா உள்ளிட்ட பலர் வாக்களித்தனர். நடிகர் ஆர்யா சைக்கிளில் வந்து வாக்களித்தார்.
காலையில் சைக்கிளிங் சென்ற ஆர்யா, அப்படியே இங்கு வந்து வாக்களிக்க வந்ததாக கூறினார். மேலும், இந்த தேர்தலை தவிர்த்திருக்கலாம். அனைவரும் உட்கார்ந்து பேசி நல்ல முடிவை எடுத்திருக்கலாம். நாசர், விஷால், கார்த்தி ஆகியோர் கட்டிடம் உருவாக மிகவும் கடினமாக உழைத்திருக்கிறார்கள் என்று ஆர்யா கூறினார்.
இந்த தேர்தலில் விஷால் மற்றும் நாசரின் பாண்டவர் அணியும், கே.பாக்யராஜ் மற்றும் ஐசரி கணேசின் சுவாமி சங்கரதாஸ் அணியும் போட்டியிடுகிறார்கள்.