சினிமா
மீண்டும் திரிஷா இடத்தை பிடிக்கும் சமந்தா
விண்ணைத்தாண்டி வருவாயா படத்தில் திரிஷாவின் கதாபாத்திரத்தில் நடித்த சமந்தா, தற்போது மீண்டும் அது மாதிரியான இடத்தை பிடிக்க இருக்கிறார். #Samantha #Trisha
சிம்பு, திரிஷா நடிப்பில் கவுதம்மேனன் இயக்கத்தில் வெளியான படம் ‘விண்ணைத் தாண்டி வருவாயா’. இந்த படம் தமிழில் மிகப்பெரிய வெற்றி பெற்ற நிலையில் தெலுங்கில் இதே படத்தை நானி-சமந்தா நடிப்பில் கவுதம் மேனன் இயக்கினார்.
அங்கும் மிகப்பெரிய வெற்றி அடைந்தது. காதல் படமான இதில் திரிஷாவுக்கும் சமந்தாவுக்கும் யார் சிறப்பான முறையில் ஜெஸ்சி வேடத்தை கொண்டு வருவது என போட்டியே நடந்தது. மீண்டும் இதேபோன்ற போட்டி உருவாகி உள்ளது.
சமீபத்தில் விஜய் சேதுபதி, திரிஷா நடிப்பில் வெளியாகி பெரிய வெற்றி பெற்றிருக்கும் 96 படத்தை தெலுங்கில் நானி வாங்கி நடிக்க இருக்கிறார். இதில் திரிஷாவின் வேடத்துக்கு சமந்தாவிடம் பேச்சுவார்த்தை நடந்து வருகிறது.