பிரபல இயக்குனர் படத்தில் நடிக்கும் மோகன்லால்

பிரபல மலையாள இயக்குனர் சித்திக். இவர் விஜய்யை வைத்து தமிழில் ‘ப்ரண்ட்ஸ்’, ‘காவலன்’ ஆகிய படத்தை இயக்கினார். இவர் தமிழ், மலையாளம், தெலுங்கு, கன்னடம், இந்தி உள்ளிட்ட மொழிகளில் படங்களை இயக்கியுள்ளார். 

சமீபத்தில் ‘பாஸ்கர் ஒரு ராஸ்கல்’ என்ற தமிழ் படத்தை இயக்கினார். இதில் அரவிந்த் சாமி, அமலாபால் உள்ளிட்ட பலர் நடித்திருந்தார்கள். இப்படம் ரசிகர்களிடையே ஓரளவிற்கு வரவேற்பு பெற்றது. தற்போது அடுத்த படத்தை இயக்க தயாராகி விட்டார் இயக்குனர் சித்திக்.

இவருடைய அடுத்த படத்தில் மோகன்லால் கதாநாயகனாக நடிக்க இருக்கிறார். இப்படம், தமிழ் மற்றும் மலையாளத்தில் உருவாகும் என்று எதிர்பார்க்கப்படுகிறது.