பிரபல தெலுங்கு நடிகர் மோகன் பாபு தாயார் மரணம்

திருப்பதியில் பிரபல தெலுங்கு நடிகரின் தாயார் உடல் நலக்குறைவால் மரணமடைந்தார்.

பிரபல தெலுங்கு நடிகர் மோகன் பாபு. தமிழ் படங்களிலும் நடித்துள்ளார். சினிமா இயக்குனராகவும், தயாரிப்பாளராகவும் உள்ளார். இவரது மகன் விஷ்ணு மஞ்சுவும் தற்போது தெலுங்கு படங்களில் ஹீரோவாக நடித்து வருகிறார்.

மோகன் பாபுவின் தாயார் லட்சுமியம்மா (92). வயது முதிர்வு காரணமாக உடல்நிலை பாதிக்கபட்டு திருப்பதியில் உள்ள சிம்ஸ் ஆஸ்பத்திரியில் சிகிச்சை பெற்று வந்தார். இந்த நிலையில் இன்று காலை 5.30 மணிக்கு இறந்தார்.

அவரது உடல் திருப்பதி ஸ்ரீவாரிமெட்டு அருகேயுள்ள வித்யா நிகேதன் பள்ளியில் பொதுமக்கள் அஞ்சலிக்காக வைக்கப்பட்டுள்ளது.

லட்சுமியம்மா உடலுக்கு சினிமா துறையினர், தொழிலதிபர்கள், பொதுமக்கள் அஞ்சலி செலுத்தினர். #Lakshmiamma #MohanBabu