அடுத்த ஆண்டு அறிமுகமாகும் புதிய தலைமுறை ஸ்விப்ட்?

மாருதி சுசுகி நிறுவனம் தனது அடுத்த தலைமுறை ஸ்விப்ட் மாடலை அடுத்த ஆண்டு சர்வதேச சந்தையில் வெளியிட இருப்பதாக தகவல் வெளியாகி உள்ளது. சர்வதேச வெளியீட்டை தொடர்ந்து இந்த மாடல் இந்தியாவிலும் அறிமுகமாகும் என கூறப்படுகிறது.

சுசுகி ஸ்விப்ட் ஸ்போர்ட் வேரியண்ட் 2017 பிரான்க்புர்ட் மோட்டார் விழாவில் காட்சிப்படுத்தப்பட்டு, சில நாடுகளில் மட்டுமே விற்பனை செய்யப்பட்டு வருகிறது. 2023 வாக்கில் சுசுகி ஸ்விப்ட் ஸ்போர்ட் மேம்படுத்தப்பட்டு 2023 வாக்கில் அடுத்த தலைமுறை ஸ்விப்ட் மாடலாக அறிமுகமாகும் என தெரிகிறது.

நான்காவது தலைமுறை சுசுகி ஸ்விப்ட் மாடலில் 1.2 லிட்டர் பெட்ரோல் என்ஜின் வழங்கப்படும் என கூறப்படுகிறது. இத்துடன் 1.4 லிட்டர் பூஸ்டர்ஜெட் டர்போசார்ஜ் செய்யப்பட்ட பெட்ரோல் என்ஜின் மற்றும் 48 வோல்ட் மைல்டு-ஹைப்ரிட் சிஸ்டம் வழங்கப்படலாம்.