ஆட்டோமொபைல்
ஹூண்டாய் வென்யூ புது வேரியண்ட்கள் அறிமுகம்
ஹூண்டாய் நிறுவனத்தின் வென்யூ மாடல் புது வேரியண்ட்கள் இந்தியாவில் விற்பனைக்கு வந்துள்ளன.
ஹூண்டாய் நிறுவனம் தனது வென்யூ காம்பேக்ட் எஸ்யுவி மாடலின் S (O) மற்றும் SX (O) வேரியண்ட்களை இந்தியாவில் அறிமுகம் செய்துள்ளது. புது வேரியண்ட்களின் துவக்க விலை ரூ. 9.03 லட்சம், எக்ஸ்-ஷோரூம் ஆகும். இரு வேரியண்ட்களும் மொத்தம் 4 மாடல்களில் கிடைக்கின்றன.
புது வேரியண்ட்கள் விலை விவரம்
ஹூண்டாய் வென்யூ S(O)
பெட்ரோல் iMT ரூ. 9.03 லட்சம்
பெட்ரோல் 7DCT ரூ. 9.94 லட்சம்
டீசல் 6MT ரூ. 9.44 லட்சம்
ஹூண்டாய் வென்யூ SX(O)
டீசல் 6MT ரூ. 10.96 லட்சம்
அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கின்றன.
புதிய ஹூண்டாய் வென்யூ S(O) வேரியண்ட் 1 லிட்டர் டர்போ பெட்ரோல் என்ஜின், iMT 7 ஸ்பீடு DCT ஆட்டோமேடிக் கியர்பாக்ஸ் உடன் வழங்கப்படுகிறது. இந்த என்ஜின் 118 பிஹெச்பி பவர், 172 நியூட்டன் மீட்டர் டார்க் இழுவிசையை வழங்குகிறது.
இத்துடன் 1.5 லிட்டர் டீசல் என்ஜின், 6 ஸ்பீடு மேனுவல் டிரான்ஸ்மிஷன் ஆப்ஷனும் வழங்கப்படுகிறது. இந்த என்ஜின் 100 பிஹெச்பி பவர், 240 நியூட்டன் மீட்டர் டார்க் இழுவிசையை வழங்குகிறது.
மாற்றங்களை பொருத்தவரை இரு வேரியண்ட்களிலும் அலாய் வீல்களுக்கு மாற்றாக ஸ்டீல் வீல்கள் வழங்கப்பட்டுள்ளன. இத்துடன் புளூ லின்க் கனெக்டிவிட்டி வசதி வழங்கப்படுகின்றன. இவைதவிர இரு வேரியண்ட்களிலும் வேறு எந்த மாற்றமும் மேற்கொள்ளப்படவில்லை.