ஆட்டோமொபைல்
விரைவில் அறிமுகமாகும் ஒலா எலெக்ட்ரிக் ஸ்கூட்டர்
ஒலா நிறுவனத்தின் எலெக்ட்ரிக் ஸ்கூட்டர் வெளியீடு விரைவில் நடைபெறும் என தகவல் வெளியாகி உள்ளது.
ஒலா எலெக்ட்ரிக் ஸ்கூட்டர் மாடல் ஏற்கனவே எதிர்பார்க்கப்பட்டதை விட முன்கூட்டியே அறிமுகமாகும் என தகவல் வெளியாகி உள்ளது. ஒலா நிறுவன தலைவர் மற்றும் தலைமை செயல் அதிகாரியான பவிஷ் அகர்வால் இதனை உணர்த்தும் ட்வீட் ஒன்றை பதிவு செய்துள்ளார்.
Time to order some paint! What color would you like on the Ola Scooter? Already got you covered for Black! What else? @OlaElectricpic.twitter.com/NXMftKJrrq
— Bhavish Aggarwal (@bhash) June 24, 2021
அவரது ட்வீட்டில் ஒலா எலெக்ட்ரிக் ஸ்கூட்டர் புகைப்படத்தை இணைத்து, தனது பாலோவர்களிடம் எந்த நிறங்களில் வேண்டும் என கேள்வி எழுப்பியுள்ளார். ஒலா எலெக்ட்ரிக் ஸ்கூட்டர் விலை விரைவில் அறிவிக்கப்படலாம் என எதிர்பார்க்கப்படுகிறது.
தற்போதைய தகவல்களின் படி ஒலா எலெக்ட்ரிக் ஸ்கூட்டர் ஒருமுறை சார்ஜ் செய்தால் அதிகபட்சம் 150 கிலோமீட்டர் வரை செல்லும் திறன் கொண்டிருக்கும் என தெரிகிறது. இத்துடன் கழற்றும் வசதி கொண்ட லித்தியம் அயன் பேட்டரி, டிஜிட்டல் இன்ஸ்ட்ரூமென்ட் கன்சோல், கிளவுட் கனெக்டிவிட்டி, அலாய் வீல்கள், டெலிஸ்கோபிக் சஸ்பென்ஷன் உள்ளிட்டவை வழங்கப்படலாம்.