ஆட்டோமொபைல்
2021 ஜாகுவார் எப் பேஸ் இந்தியாவில் அறிமுகம்
ஜாகுவார் நிறுவனத்தின் 2021 எப் பேஸ் மாடல் இந்திய சந்தையில் விற்பனைக்கு வந்தது.
ஜாகுவார் லேண்ட் ரோவர் நிறுவனம் இந்திய சந்தையில் 2021 ஜாகுவார் எப் பேஸ் மாடலை அறிமுகம் செய்தது. புதிய எப் பேஸ் துவக்க விலை ரூ. 69.99 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்தியாவில் முதல்முறையாக எப் பேஸ் மாடல் ஆர் டைனமிக் எஸ் வேரியண்டில் கிடைக்கிறது.
புதிய ஜாகுவார் எப் பேஸ் மார்ஸ் ரெட் மற்றும் சியனா டேன் என இரண்டு நிறங்களில் கிடைக்கிறது. 2021 ஜாகுவார் எப் பேஸ் புது காஸ்மெடிக் மாற்றங்கள், அடுத்த தலைமுறை டர்போசார்ஜ் செய்யப்பட்ட இன்ஜெனியம் டீசல் என்ஜின் கொண்டிருக்கிறது.
2021 ஜாகுவார் எப் பேஸ் மாடலில் 2.0 லிட்டர் பெட்ரோல் மற்றும் டீசல் என்ஜின் ஆப்ஷன்களில் கிடைக்கிறது. இதன் 2.0 லிட்டர் பெட்ரோல் என்ஜின் 247 பிஹெச்பி பவர், 365 என்எம் டார்க் செயல்திறன் வழங்குகிறது. இதன் 2.0 லிட்டர் டீசல் என்ஜின் 201 பிஹெச்பி பவர், 430 என்எம் டார்க் செயல்திறன் வழங்குகிறது.