ஆட்டோமொபைல்
மெக்லாரென் சூப்பர்கார்

என்ட்ரி லெவல் காரின் விலை ரூ. 3.72 கோடி - விரைவில் இந்தியா வரும் மெக்லாரென் சூப்பர்கார்

Published On 2021-06-10 09:42 GMT   |   Update On 2021-06-10 09:42 GMT
மெக்லாரென் நிறுவன சூப்பர் கார் மாடல்களின் இந்திய விலை அறிவிக்கப்பட்டு இருக்கிறது.

ப்ரிட்டன் நாட்டை சேர்ந்த சூப்பர்கார் உற்பத்தியாளரான மெக்லாரென் ஆட்டோமோட்டிவ் தனது ஜிடி, 720எஸ் மற்றும் 720எஸ் ஸ்பைடர் என மூன்று மாடல்களின் இந்திய விலையை அறிவித்து இருக்கிறது. அதன்படி என்ட்ரி லெவல் மெக்லாரென் ஜிடி மாடல் விலை ரூ. 3.72 கோடி, எக்ஸ்-ஷோரூம் என நிர்ணயம் செய்யப்பட்டு உள்ளது.



மெக்லாரென் 720எஸ் மற்றும் 720எஸ் ஸ்பைடர் மாடல்கள் விலை முறையே ரூ. 4.65 கோடி மற்றும் ரூ. 5.04 கோடி என நிர்ணயம் செய்யப்பட்டுள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. புது மெக்லாரென் ஆர்டுரா காரை வாடிக்கையாளர்கள் விரும்பும் வகையில் கஸ்டமைஸ் செய்யும் வசதி வழங்கப்படுகிறது.

அனைத்து மெக்லாரென் கார்களும் இந்தியாவில் CBU முறையில் கொண்டுவரப்படுகிறது. இந்தியாவில் அமலாகி இருக்கும் புது இறக்குமதி வரி சலுகையை பயன்படுத்துகிறது. இதன் மூலம் ஒவ்வொரு நிறுவனங்களும் 2500 யூனிட்களை சிபியு மற்றும் சிகேடி முறையில் ஒவ்வொரு ஆண்டும் இறக்குமதி செய்யலாம். இவ்வாறு செய்ய ஹோமோலோகேஷன் பெற வேண்டிய அவசியமும் கிடையாது.
Tags:    

Similar News