புதிய போலோ GTI பேஸ்லிப்ட் வரைபடங்கள் வெளியீடு

வோக்ஸ்வேகன் நிறுவனம் ஆறாவது தலைமுறை போலோ ஹேட்ச்பேக் மாடலை கடந்த மாதம் அறிமுகம் செய்தது. தற்போது போலோ GTI மேம்பட்ட மாடலை அறிமுகம் செய்வதற்கான பணிகளில் ஈடுபட்டு வருகிறது. வரும் மாதத்தில் இந்த மாடல் சர்வதேச சந்தையில் அறிமுகம் செய்யப்பட இருக்கிறது.

இந்த நிலையில், புது மாடலுக்கான வரைபடங்களை வோக்ஸ்வேகன் வெளியிட்டு இருக்கிறது. வரைபடங்களின் படி புதிய போலோ GTI பேஸ்லிப்ட் டூயல் எல்இடி கொண்டிருக்கிறது. இத்துடன் எல்இடி பாக் லேம்ப்கள், ரெட் ஹைலைட்கள் கொண்ட GTI பேட்ஜ் வழங்கப்படுகிறது.

வோக்ஸ்வேகன் போலோ GTI பேஸ்லிபிட் மாடலில் 2.0 லிட்டர் டர்போசார்ஜ் செய்யப்பட்ட பெட்ரோல் என்ஜின் வழங்கப்படுகிறது. இந்த என்ஜின் 197 பிஹெச்பி பவர், 320 என்எம் டார்க் செயல்திறன் வழங்குகிறது. இந்த கார் மணிக்கு 100 கிலோமீட்டர் வேகத்தை 6.7 நொடிகளில் எட்டிவிடும்.