பஜாஜ் பல்சர் டேகர் எட்ஜ் எடிஷன் இந்தியாவில் அறிமுகம்

பஜாஜ் ஆட்டோ நிறுவனம் பல்சர் டேகர் எட்ஜ் எடிஷன் மோட்டார்சைக்கிளை இந்திய சந்தையில் அறிமுகம் செய்தது. இதன் விலை ரூ. 1.02 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. டேகர் எட்ஜ் எடிஷன் பல்சர் 220எப், பல்சர் 180 மற்றும் பல்சர் 150 மாடல்களில் கிடைக்கிறது.

டேகர் எட்ஜ் எடிஷன் புது நிறங்களில் ஆன காஸ்மெடிக் அப்கிரேடுகளை பெற்று இருக்கிறது. டாப் எண்ட் பல்சர் 220எப் மாடல்- பியல் வைட், சபையர் புளூ, வொல்கானிக் ரெட் மற்றும் ஸ்பார்கிள் பிளாக் நிறங்களில் கிடைக்கிறது. இதன் விலை ரூ. 1.28 லட்சம், எக்ஸ்-ஷோரூம் என நிர்ணயிக்கப்பட்டு உள்ளது.

பல்சர் 180 டேகர் எட்ஜ் எடிஷன் மாடல் - பியல் வைட், வொல்கானிக் ரெட் மற்றும் ஸ்பார்கிள் பிளாக் நிறங்களில் கிடைக்கிறது. இதன் விலை ரூ. 1.10 லட்சம், எக்ஸ்-ஷோரூம் ஆகும். 

புதிய பஜாஜ் பல்சர் 150 டேகர் எட்ஜ் எடிஷன் மாடல் - பியல் வைட் மற்றும் சபையர் புளூ நிறங்களில் கிடைக்கிறது. இதன் டிஸ்க் மற்றும் டிரம் பிரேக் விலை முறையே ரூ. 1.02 மற்றும் ரூ. 1.05 லட்சம் என நிர்ணயிக்கப்பட்டுள்ளது.