இந்தியாவில் மஹிந்திரா ஸ்கார்பியோ புது வேரியண்ட் அறிமுகம்

மஹிந்திரா நிறுவனம் சத்தமின்றி இந்திய சந்தையில் ஸ்கார்பியோ எஸ்யுவி-யின் பேஸ் வேரியண்ட்டை அறிமுகம் செய்தது. புதிய ஸ்கார்பியோ வேரியண்ட் எஸ்3 பிளஸ் ஆகும். இது முந்தைய என்ட்ரி லெவல் மாடலின் கீழ் நிலை நிறுத்தப்பட்டு உள்ளது.

புதிய மஹிந்திரா ஸ்கார்பியோ எஸ்3 பிளஸ் வேரியண்ட் விலை ரூ. 11.99 லட்சம் என நிர்ணயம் செய்யப்பட்டு உள்ளது. இது எஸ்5 மாடலை விட ரூ. 68 ஆயிரம் குறைவு ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இந்த மாடலுக்கான முன்பதிவு ஆன்லைன் மற்றும் விற்பனை மையங்களில் துவங்கி நடைபெற்று வருகிறது. வினியோகம் விரைவில் துவங்கும் என எதிர்பார்க்கப்படுகிறது. புதிய பேஸ் மாடலில் எஸ்5 வேரியண்ட்டில் வழங்கப்பட்டு இருக்கும் அம்சங்கள் வழங்கப்பட்டு உள்ளது.

எனினும், சைடு-ஸ்டெப், ஸ்பீடு சென்சிங் டோர் லாக், வினைல் சீட், பம்ப்பரில் பாடி கிளாடிங் உள்ளிட்டவை புது வேரியண்ட்டில் இடம்பெறவில்லை. புதிய மாடலில் 17 இன்ச் ஸ்டீல் வீல்கள், மேனுவல் சென்ட்ரல் லாக்கிங், டில்ட் அட்ஜஸ்ட் ஸ்டீரிங், மேனுவல் HVAC, என்ஜின் ஸ்டார்ட்/ஸ்டாப் மற்றும் ரியர் பார்கிங் சென்சார் உள்ளிட்டவை வழங்கப்பட்டு இருக்கிறது.