ஆட்டோமொபைல்
மூன்றாம் தலைமுறை வால்வோ எஸ்60 விவரங்கள் வெளியீடு
மூன்றாம் தலைமுறை வால்வோ எஸ்60 மாடல் விவரங்கள் இணையத்தில் வெளியாகி இருக்கிறது.
வால்வோ நிறுவனம் சமீபத்தில் மூன்றாம் தலைமுறை எஸ்60 செடான் மாடலை இந்திய சந்தையில் அறிமுகம் செய்தது. புதிய செடான் மாடல் அளவில் 4761எம்எம் நீளமாகவும், 2040எம்எம் அகலமாகவும், 1431எம்எம் உயரமாகவும் இருக்கிறது. இதன் வீல்பேஸ் 2872எம்எம் அளவில் இருக்கிறது.
இத்துடன் தார் ஹேமர் எல்இடி டேடைம் லைட்கள், சி வடிவ எல்இடி டெயில் லைட்கள் வழங்கப்பட்டுள்ளன. புதிய மாடல் 18 இன்ச் டைமண்ட் கட் அலாய் வீல்களை கொண்டிருக்கிறது. காரின் உள்புறம் தொடுதிரை வசதி கொண்ட இன்போடெயின்மென்ட் ஹெட்-யூனிட் மற்றும் ஹார்மன் கார்டன் ஆடியோ சிஸ்டம் வழங்கப்படுகிறது.
இதன் கேபின் பானரோமிக் சன்ரூப், 4 சோன் ஆட்டோமேடிக் கிளைமேட் கண்ட்ரோல் மற்றும் வயர்லெஸ் சார்ஜிங் வசதி வழங்கப்பட்டு இருக்கிறது. பாதுகாப்பிற்கு பைலட் அசிஸ்ட், அடாப்டிவ் குரூயிஸ் கண்ட்ரோல், லேண் கீப்பிங் ஏயிட், டிரைவர் அலெர்ட் கண்ட்ரோல் உள்ளிட்டவை வழங்கப்பட்டு உள்ளது.
இந்திய சந்தையில் வால்வோ எஸ்60 மாடல் 2.0 லிட்டர், 4 சிலிண்டர் பெட்ரோல் என்ஜின் கொண்டிருக்கிறது. இந்த என்ஜின் 188 பிஹெச்பி பவர், 300 என்எம் டார்க் செயல்திறன் வழங்குகிறது. இத்துடன் 8 ஸ்பீடு ஆட்டோமேடிக் கியர்பாக்ஸ் வழங்கப்படுகிறது.