ரெனால்ட் டிரைபர் டர்போ பெட்ரோல் வெளியீட்டில் திடீர் மாற்றம்

ரெனால்ட் டிரைபர் டர்போ பெட்ரோல் மாடல் வெளியீடு தாமதமாகி இருக்கிறது. புதிய வேரியண்ட் 2021 வாக்கில் அறிமுகம் செய்யப்படலாம் என தெரிகிறது. இது கைகர் காம்பேக்ட் எஸ்யுவி மாடலை தொடர்ந்து வெளியாகும் என கூறப்படுகிறது.

முந்தைய தகவல்களின் படி ரெனால்ட் டிரைபர் டர்போ பெட்ரோல் வேரியண்ட் இந்த ஆண்டு அறிமுகமாகும் என கூறப்பட்டது. தற்சமயம் இதன் வெளியீடு கைகர் காம்பேக்ட் எஸ்யுவி மாடலை தொடர்ந்து வெளியிடப்படும் என தெரிகிறது. 

புதிய 1.0 லிட்டர் டர்போ பெட்ரோல் யூனிட் ஹெச்ஆர்10 எனும் குறியீட்டு பெயரில் உருவாகி வருகிறது. இந்த என்ஜின் நிசான் நிறுவனத்திடம் இருந்து பெறப்பட்டது ஆகும். இது 1.3 லிட்டர், 4-பாட் ஹெச்ஆர்13 டர்போ பெட்ரோல் யூனிட்டின் 3 சிலிண்டர் யூனிட் ஆகும்.

இந்த என்ஜின் 95 பிஹெச்பி பவர் வழங்கும் என கூறப்படுகிறது. இந்த என்ஜின் புதிய நிசான் மேக்னைட் காம்பேக்ட் எஸ்யுவி மாடலிலும் வழங்கப்படுகிறது.