ஜீப் காம்பஸ் பேஸ்லிப்ட் வெளியீட்டு விவரம்

2021 ஜீப் காம்பஸ் பேஸ்லிப்ட் மாடல் அடுத்த மாதம் அறிமுகம் செய்யப்படலாம் என தகவல் வெளியாகி உள்ளது. முதற்கட்டமாக இந்த கார் சீன சந்தையில் அறிமுகம் செய்யப்பட்டு பின் இந்தியா வரும் என எதிர்பார்க்கப்படுகிறது. 

தற்போதைய ஜீப் காம்பஸ் மாடல் 2016 முதல் விற்பனை செய்யப்பட்டு வருகிறது. புதிய மாடல் தோற்றத்தில் பார்க்க ஒரே மாதிரி இருக்கும். எனினும், வெளிப்புறத்தில் சிறு மாற்றங்கள் செய்யப்படுகின்றன. இதன் ஹெட்லேம்ப், எல்இடி யூனிட்கள் மெல்லியதாக இருக்கின்றன.

மேலும் கிரில் கூர்மையான தோற்றம் கொண்டு இருக்கும். முன்புறம் மற்றும் பின்புற பம்ப்பர்கள், மேம்பட்ட அலாய் வீல் வடிவமைப்பு உள்ளிட்டவை காரின் வெளிப்புற தோற்றத்தில் செய்யப்படும் மாற்றங்களாக இருக்கின்றன.

புதிய ஜீப் காம்பஸ் பேஸ்லிப்ட் மாடல் அதிநவீன எல்2 ஆட்டோனோமஸ் டிரைவிங் சிஸ்டம் வசதி கொண்டிருக்கும் என கூறப்படுகிறது. இத்துடன் ஹைவே அசிஸ்ட், டிராபிக் ஜாம் அசிஸ்ட், டிராபிக் சைன் ரெகக்னீஷன், லேண் கீப் அசிஸ்ட் போன்றவை வழங்கப்படலாம்.