ஆட்டோமொபைல்
ரோல்ஸ் ராய்ஸ் கோஸ்ட்

புதுவித டேஷ்போர்டு பெறும் ரோல்ஸ் ராய்ஸ் கோஸ்ட்

Published On 2020-08-31 10:08 GMT   |   Update On 2020-08-31 10:08 GMT
ரோல்ஸ் ராய்ஸ் நிறுவனத்தின் கோஸ்ட் மாடல் காரில் புதுவித டேஷ்போர்டு வழங்கப்பட இருப்பதாக தகவல் வெளியாகி உள்ளது.

ரோல்ஸ் ராய்ஸ் நிறுவனத்தின் கோஸ்ட் மாடல் அடுத்த மாதம் அறிமுகம் செய்யப்பட இருக்கிறது. இந்நிலையில் புதிய கார் விவரங்கள் அவ்வப்போது இணையத்தில் வெளியாகி வருகின்றன. அந்த வரிசையில் தற்சமயம் இந்த கார் டேஷ்போர்டு விவரங்கள் வெளியாகி உள்ளன.

புதிய ரோல்ஸ் ராய்ஸ் கோஸ்ட் மாடலில் இலுமினேட் செய்யப்பட்ட டேஷ்போர்டு வழங்கப்பட இருப்பதாக கூறப்படுகிறது. இது பியூரிட்டியை தழுவி போஸ்ட்- ஒபுலன்ட் டிசைன் கொண்டிருக்கும் என கூறப்படுகிறது. இது 152 எல்இடிக்கள் கொண்டு இலுமினேஷன் செய்யப்படுகிறது. 



இதில் கோஸ்ட் வாட்டர்மார்க் மற்றும் 850 ஸ்டார்கள் பயணிகள் பக்கம் இருக்கும் டேஷ்போர்டில் வழங்கப்படுகிறது. கார் ஆஃப் செய்யப்பட்ட நிலையில், இந்த டேஷ்போர்டு பயனர்களுக்கு தெரியாது. புதிய ரோல்ஸ் ராய்ஸ் கோஸ்ட் மாடலில் 6.75 லிட்டர் வி12 என்ஜின் வழங்கப்படுகிறது. 

முன்னதாக புதிய கோஸ்ட் மாடல் டீசர் அதிகாரப்பூர்வமாக வெளியிடப்பட்டது. புதிய கோஸ்ட் மாடல் டீசர் மூன்றே கோடுகளை கொண்டிருக்கிறது. தற்சமயம் விற்பனை செய்யப்படும் கோஸ்ட் மாடல் 2009 ஆம் ஆண்டு அறிமுகம் செய்யப்பட்டது.

Tags:    

Similar News