ஆட்டோமொபைல்
ஃபெராரி எஃப்8 டிரிபியூட்டோ

இந்தியாவில் சக்திவாய்ந்த ஃபெராரி எஃப்8 டிரிபியூட்டோ அறிமுகம்

Published On 2020-08-07 09:17 GMT   |   Update On 2020-08-07 09:17 GMT
ஃபெராரி நிறுவனத்தின் எஃப்8 டிரிபியூட்டோ சூப்பர் கார் அறிமுகம் செய்யப்பட்டு உள்ளது. இதன் விவரங்களை பார்ப்போம்.
 

ஃபெராரி எஃப்8 டிரிபியூட்டோ மாடல் சூப்பர் கார் இந்திய சந்தையில் அறிமுகம் செய்யப்பட்டது. இந்தியாவில் இதன் துவக்க விலை ரூ. 4.02 கோடி, எக்ஸ் ஷோரூம் என நிர்ணயம் செய்யப்பட்டுள்ளது. புதிய ஃபெராரி காரை டெல்லியில் உள்ள ஃபெராரி நிறுவனத்தின் அங்கீகரிக்கப்பட்ட விற்பனையாளரான செலக்ட் கார்ஸ் அறிமுகம் செய்தது. 

புதிய ஃபெராரி எஃப்8 டிரிபியூட்டோ மாடல் விநியோகம் விரைவில் துவங்க உள்ளது. முன்னதாக ஃபெராரி எஃப்8 டிரிபியூட்டோ மாடல் 2019 ஜெனீவா மோட்டார் விழாவில் அறிமுகம் செய்யப்பட்டது. புதிய ஃபெராரி சூப்பர் காரில் 3.9 லிட்டர் ட்வின் டர்போ சார்ஜ் செய்யப்பட்ட வி8 என்ஜின் வழங்கப்பட்டு இருக்கிறது.



இந்த என்ஜின் 710 பிஹெச்பி பவர், 770 என்எம் டார்க் செயல்திறன் வழங்குகிறது. இந்த மாடல் மணிக்கு 0 முதல் 100 கிலோமீட்டர் வேகத்தை வெறும் 2.9 நொடிகளில் எட்டிவிடும். மேலும் இது மணிக்கு அதிகபட்சமாக 340 கிலோமீட்டர் வேகத்தில் செல்லும் திறன் கொண்டுள்ளது.

காரின் உள்புறம் எஃப்8 டிரிபியூட்டோ மாடலில் 7 இன்ச் டிஸ்ப்ளே வழங்கப்பட்டுள்ளது. இத்துடன் புதிய ஹெச்எம்ஐ (ஹியுமன் மெஷின் இன்டர்ஃபேஸ்) ஸ்டீரிங் வீல் மற்றும் புதிய ரவுண்ட் ஏர் இன்டேக்குகள் வழங்கப்பட்டு உள்ளன.
Tags:    

Similar News