ஆட்டோமொபைல்
லம்போர்கினி டீசர்

அடுத்த வாரம் புதிய ஸ்போர்ட்ஸ் கார் அறிமுகம் செய்யும் லம்போர்கினி

Published On 2020-07-06 06:31 GMT   |   Update On 2020-07-06 06:31 GMT
லம்போர்கினி நிறுவனத்தின் புதிய ஸ்போர்ட்ஸ் கார் அடுத்த வாரம் அறிமுகம் செய்யப்பட இருப்பதாக தகவல் வெளியாகி உள்ளது.


இத்தாலி நாட்டை சேர்ந்த ஆடம்பர ஸ்போர்ட்ஸ் கார் உற்பத்தியாளரான லம்போர்கினி நிறுவனம் முற்றிலும் புதிய மாடல் காரினை அடுத்த வாரம் அறிமுகம் செய்ய இருக்கிறது. 

வெளியீட்டை அடுத்து புதிய கார் டீசரை லம்போர்கினி நிறுவனம் அதிகாரப்பூர்வமாக வெளியிட்டு இருக்கிறது. கிராஃபிக் படமாக வெளியாகி இருக்கும் புதிய கார் டீசரில், கார் வெளியீட்டு நிகழ்வு லம்போர்கினி அதிகாரப்பூர்வ வலைதளத்தில் நேரலை செய்யப்படுகிறது.



புதிய லம்போர்கினி கார் அறிமுக நிகழ்வு ஜூலை 8 ஆம் தேதி நடைபெற இருக்கிறது. வெளியீடு உறுதி செய்யப்பட்டுள்ள நிலையில் எந்த கார் வெளியாகும் என்ற தகவல் வெளியாகவில்லை. டீசர்களின்படி புதிய கார் முற்றிலும் புதிய மாடலாகவோ அல்லது கான்செப்ட் ரகமாகவோ இருக்கும் என தெரிகிறது.

மேலும் இது லம்போர்கினி சியன் எஃப்கேபி 37 மாடலாக இருக்கலாம் என்றும் கூறப்படுகிறது. இந்த கார் கடந்த ஆண்டு செப்டம்பர் மாதத்தில் அறிமுகம் செய்யப்பட்டது. இதுதவிர இந்த கார் சியன் எஃப்கேபி 37 ரோட்ஸ்டர் மாடலாக இருக்கலாம் என்றும் கூறப்படுகிறது.
Tags:    

Similar News