கியா செல்டோஸ் கிராவிட்டி கார் அறிமுகம்

கியா மோட்டார்ஸ் நிறுவனம் 2021 கியா செஸ்டோஸ் மாடலை கொரிய சந்தையில் அப்டேட் செய்து இருக்கிறது. புதிய மிட்சைஸ் எஸ்யுவி மாடல் பல்வேறு பாதுகாப்பு உபகரணங்கள் கொண்டிருப்பதோடு, இதன் புதிய டாப் எண்ட் மாடல் கிராவிட்டி என அழைக்கப்படுகிறது.

செல்டோஸ் கிராவிட்டி மாடலில் பல்வேறு காஸ்மெடிக் மாற்றங்கள் செய்யப்பட்டுள்ளன. இத்துடன் முன்புற கிரில் மேம்படுத்தப்பட்டு இருக்கிறது. இதுதவிர 18 இன்ச் அளவில் டூயல் டோன் மெஷின்டு அலாய் வீல்களும் விங் மிரர், டோர் கார்னிங் மற்றும் பின்புறம் ஸ்கிட் பிளேட்களில் சில்வர் ஃபினிஷ் செய்யப்பட்டு இருக்கிறது.

புதிய கிராவிட்டி மாடலில் 1.6 லிட்டர் டர்போ பெட்ரோல் என்ஜின் மற்றும் 1.6 லிட்டர் டீசல் மோட்டார் வழங்கப்பட்டு இருக்கிறது. இவை முறையே 177 பிஹெச்பி மற்றும் 136 பிஹெச்பி பவர் வழங்குகின்றன. இவற்றுடன் 7 ஸ்பீடு ஆட்டோமேடிக் டிரான்ஸ்மிஷன் ஆப்ஷன் வழங்கப்படுகிறது.