ஆட்டோமொபைல்
கியா கார்னிவல்

புதிய இருக்கை அமைப்புடன் விரைவில் அறிமுகமாகும் கியா கார்னிவல்

Published On 2020-04-27 11:00 GMT   |   Update On 2020-04-27 11:00 GMT
கியா மோட்டார்ஸ் நிறுவனத்தின் கார்னிவல் எம்பிவி கார் விரைவில் புதிய இருக்கை அமைப்புடன் அறிமுகமாக இருப்பதாக தகவல் வெளியாகியுள்ளது.



முற்றிலும் புதிய கியா கார்னிவல் கார் சர்வதேச சந்தையில் அறிமுகம் செய்யப்பட இருப்பதாக தகவல் வெளியாகியுள்ளது. புதிய கார்னிவல் மாடலில் தற்போதைய வேரியண்ட்களில் உள்ள பெரும்பாலான அம்சங்கள் மற்றும் உபகரணங்கள் வழங்கப்பட்டு நான்கு பேர் பயணிக்கக்கூடிய வகையில் இருக்கைகளை கொண்டிருக்கும் என கூறப்படுகிறது.

அந்த வகையில் புதிய கார் தற்போதைய மாடல்களை விட அதிக இடவசதி கொண்டிருக்கும் என எதிர்பார்க்க முடியும். மேலும் இதன் இருக்கைகளும் முன்பை விட சவுகரியமானதாக இருக்கும் என கூறப்படுகிறது. இத்துடன் இவற்றில் அதிக அம்சங்கள் வழங்கப்படலாம் என்றும் எதிர்பார்க்கப்படுகிறது. இதேபோன்ற அமைப்பு மெர்சிடிஸ் பென்ஸ் எஸ் கிளாஸ் மாடல்களிலும் வழங்கப்படலாம் என கூறப்படுகிறது.



பிரீமியம் ஆடம்பர செடான் அல்லது எஸ்யுவி மாடல்களில் அதிக பணத்தை செலவிடும் வாடிக்கையாளர்கள் அதிகளவு சவுகரிய வசதியை எதிர்பார்க்கின்றனர். சிலர் வாகனத்தை வாங்கியதும் அவற்றை அவரவர் விருப்பப்படி அதிக சவுகரியம் அளிக்கும் நான்கு பேர் பயணிக்கக்கூடிய வாகனமாக மாற்றிக் கொள்கின்றனர்.

அந்த வகையில் கார்னிவல் மாடலின் நான்கு பேர் பயணிக்கக்கூடிய மாடல் மூலம் கியா நிறுவனம் பெருமளவு செலவிடாமல், வாகனத்தை வாங்கி அதில் மாற்றங்களை செய்ய விரும்பாமல் அதிக சவுகரியத்தை பெற நினைக்கும் வாடிக்கையாளர்களை ஈர்க்க திட்டமிடுவதாக கூறப்படுகிறது. 

தற்போதைய கியா கார்னிவல் மாடல்கள் ஏழு, எட்டு மற்றும் ஒன்பது பேர் பயணிக்கக்கூடிய இருக்கை அமைப்புகளில் கிடைக்கிறது. இவற்றின் விலை ரூ. 24.95 லட்சத்தில் துவங்கி அதிகபட்சம் ரூ. 33.95 லட்சம் வரை நிர்ணயம் செய்யப்பட்டுள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டுள்ளது.
Tags:    

Similar News