ஆட்டோமொபைல்
மஹிந்திரா எக்ஸ்யுவி500 பிஎஸ்6 விவரங்கள் வெளியீடு
மஹிந்திரா நிறுவனத்தின் எக்ஸ்யுவி500 பிஎஸ்6 மாடல் காரின் விவரங்கள் இணையத்தில் வெளியிடப்பட்டுள்ளது.
மஹிந்திரா நிறுவனத்தின் அதிகாரப்பூர்வ வலைதளத்தில் பிஎஸ்6 ரக எக்ஸ்யுவி500 மாடல் விவரங்கள் பட்டியலிடப்பட்டுள்ளது. புதிய மஹிந்திரா எக்ஸ்யுவி500 பிஎஸ்6 மாடல் சிறிதளவு மாற்றங்களுடன் விரைவில் விற்பனைக்கு வரும் என எதிர்பார்க்கப்படுகிறது.
புதிய மஹிந்திரா எக்ஸ்யுவி500 பிஎஸ்6 மாடலில் மேம்பட்ட ஆறாம் தலைமுறையை சேர்ந்த 2.2. லிட்டர் இவிஜிடி எம்ஹாக் டீசல் என்ஜின் வழங்கப்பட்டுள்ளது.
இந்த என்ஜன் 153 பிஹெச்பி பவரை 3750 ஆர்பிஎம்-இலும், 360 என்எம் டார்க் இழுவிசையை 1,750 முதல் 2800 விரையிலான ஆர்பிஎம் செயல்திறன் வழங்குகிறது. இந்த என்ஜினுடன் 6 ஸ்பீடு மேனுவல் அல்லது ஆட்டோமேடிக் டிரான்ஸ்மிஷன் வழங்கப்படுகிறது.
மேம்பட்ட என்ஜின் தவிர மஹிந்திரா எக்ஸ்யுவி500 பிஎஸ்6 மாடலின் தோற்றத்தில் எவ்வித மாற்றமும் மேற்கொள்ளப்படவில்லை. மேலும் இதன் வெளிப்புறம் மற்றும் உள்புற அம்சங்கள் மற்றும் உபகரணங்கள் போன்றவற்றிலும் எவ்வித மாற்றமும் செய்யப்படவில்லை.