இந்தியாவில் மாருதி சுசுகி இகோ சி.என்.ஜி. பி.எஸ்.6 அறிமுகம்

மாருதி சுசுகி நிறுவனம் இந்திய சந்தையில் இகோ சி.என்.ஜி. பி.எஸ்.6 வேன் அறிமுகம் செய்தது. இந்தியாவில் இகோ சி.என்.ஜி. பி.எஸ்.6 மாடல் விலை ரூ. 4.64 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.

இந்திய சந்தையில் அதிகம் விற்பனையாகும் டாப் 10 மாடல்களில் மாருதி இகோ தொடர்ந்து இடம்பிடித்து வருகிறது. ஐந்து அல்லது ஏழு பேர் பயணிக்கக்கூடிய வெர்ஷனில் கிடைக்கும் மாருதி இகோ மொத்தம் 12 வேரியண்ட்களில் கிடைக்கிறது. இகோ காரை மாருதி நிறுவனம் கார்கோ மற்றும் ஆம்புலன்ஸ் ஆப்ஷன்களிலும் வழங்குகிறது.

அனைத்து வேரியண்ட்களின் அளவுகளில் எவ்வித மாற்றமும் மேற்கொள்ளப்படவில்லை. இந்த வேனில் ஸ்லைடிங் கதவுகள் வழங்கப்பட்டுள்ளன. பாதுகாப்பிற்கு இந்த வேனில் டூயல் ஏர்பேக்ஸ், ஏ.பி.எஸ். மற்றும் இ.பி.டி., ரிவர்ஸ் பார்க்கிங் சென்சார்கள், சீட் பெல்ட் ரிமைன்டர், ஹை ஸ்பீடு வார்னிங் உள்ளிட்டவை வழங்கப்பட்டுள்ளன.

புதிய மாருதி இகோ சி.என்.ஜி. மாடலில் பி.எஸ்.6 ரக 1.2 லிட்டர் என்ஜின் வழங்கப்பட்டுள்ளது. இந்த என்ஜின் 73 பி.ஹெச்.பி. பவர், 101 என்.எம். டார்க் செயல்திறன் வழங்குகிறது. இத்துடன் 5 ஸ்பீடு மேனுவல் டிரான்ஸ்மிஷன் வழங்குகிறது.