ஆட்டோமொபைல்
ஸ்விஃப்ட் எக்ஸ்ட்ரீம் கான்செப்ட்

தாய்லாந்து மோட்டார் எக்ஸ்போ விழாவில் ஸ்விஃப்ட் எக்ஸ்ட்ரீம் கான்செப்ட் அறிமுகம்

Published On 2019-12-09 10:55 GMT   |   Update On 2019-12-09 10:55 GMT
சுசுகி நிறுவனத்தின் ஸ்விஃப்ட் எக்ஸ்ட்ரீம் கான்செப்ட் மாடல் கார் தாய்லாந்து மோட்டார் எக்ஸ்போ 2019 விழாவில் அறிமுகம் செய்யப்பட்டது.



சுசுகி நிறுவனத்தின் ஸ்விஃப்ட் எக்ஸ்ட்ரீம் கான்செப்ட் மாடல் கார் தாய்லாந்து சர்வதேச மோட்டார் எக்ஸ்போ 2019 விழாவில் அறிமுகம் செய்யப்பட்டுள்ளது.

புதிய காரின் முன்புறம் சிறிய கிரில், மெஷ் டிசைன் கொண்டிருக்கிறது. இதன் பம்ப்பர் ஏர் டேம்கள், லிப்-ஸ்பாயிலர் மற்றும் ரெட் ஹைலைட் கொண்டிருக்கிறது. ஹெட்லேம்ப்பில் கார் நிறத்துடன் ஒற்றுபோகும் பேனல் எக்ஸ்டென்ஷன்கள் வழங்கப்பட்டுள்ளன. பொனெட் நடுவே கருப்பு நிறம் பூசப்பட்டுள்ளது.

பக்கவாட்டில் கிளாஸ் ஃபினிஷ் செய்யப்பட்ட ஃபென்டர் எக்ஸ்டென்ஷன்கள் வழங்கப்பட்டுள்ளன. வீல் ஆர்ச்கள் பிரம்மாண்டமாகவும், மல்டி-ஸ்போக் அலாய் வீல்களும் புதிய காரின் குறிப்பி்டத்தக்க அம்சமாக இருக்கிறது.



காரின் பின்புறம் ரூஃப் மவுன்ட் செய்யப்பட்ட ஸ்பாயிலர் வழங்கப்பட்டுள்ளது. காரின் உள்புறம் பற்றிய விவரங்கள் அறியப்படவில்லை. ஸ்விஃப்ட் மாடல் கார் இந்தியாவில் 2005 ஆம் ஆண்டு முதல் விற்பனையாகிறது. தற்சமயம் இதன் மூன்றாம் தலைமுறை மாடல் 2018 ஆட்டோ எக்ஸ்போ விழாவில் அறிமுகம் செய்யப்பட்டது.

தற்சமயம் இந்தியாவில் விற்பனையாகும் ஸ்விஃப்ட் மாடல் இருவித என்ஜின் ஆப்ஷன்களில் கிடைக்கிறது. இவற்றில் ஒன்று பி.எஸ்.6 விதிகளுக்கு பொருந்தும் வகையிலும், மற்றொன்று 1.2 லிட்டர் பெட்ரோல் மோட்டார் வழங்கப்பட்டுள்ளது.
Tags:    

Similar News