ஆட்டோமொபைல்
ஹூன்டாய் எலான்ட்ரா ஃபேஸ்லிஃப்ட்

ஹூன்டாய் எலான்ட்ரா ஃபேஸ்லிஃப்ட் முன்பதிவு துவக்கம்

Published On 2019-09-26 09:37 GMT   |   Update On 2019-09-26 09:37 GMT
ஹூன்டாய் நிறுவனத்தின் எலான்ட்ரா ஃபேஸ்லிஃப்ட் மாடலின் முன்பதிவு மற்றும் வெளியீட்டு விவரங்களை பார்ப்போம்.



இந்தியாவில் ஹூன்டாய் எலான்ட்ரா ஃபேஸ்லிஃப்ட் மாடலின் முன்பதிவு துவங்கியது. இத்துடன் புதிய காரின் அதிகாரப்பூர்வ புகைப்படங்களையும் ஹூன்டாய் வெளியிட்டுள்ளது.

புதிய ஹூன்டாய் எலான்ட்ரா ஃபேஸ்லிஃப்ட் கார் இந்தியாவில் அக்டோபர் 3 ஆம் தேதி அறிமுகம் செய்யப்பட இருக்கிறது. புதிய எலான்ட்ரா பல்வேறு அப்டேட்களை பெற இருக்கிறது. அதன்படி புதிய வடிவமைப்பு, புதிய அம்சங்கள் மற்றும் உபகரணங்கள் வழங்கப்பபடுகிறது.

வடிவமைப்பில் புதிய ஹூன்டாய் எலான்ட்ரா ஃபேஸ்லிஃப்ட் மாடலில் ஹூன்டாயின் கேஸ்கேடிங் கிரில் வழங்கப்படுகிறது. இத்துடன் மேம்பட்ட ஹெட்லேம்ப்கள், இன்டகிரேட்டெட் எல்.இ.டி. டி.ஆர்.எல்.கள் வழங்கப்படுகின்றன. எலான்ட்ரா ஃபேஸ்லிஃப்ட் மாடலில் முக்கோண வடிவம் கொண்ட ஃபாக் லேம்ப்கள், பிரம்மாண்ட பொனெட் மற்றும் புதிய அலாய் வீல் வடிவமைப்பு கொண்டிருக்கும்.



இதேபோன்று புதிய எலான்ட்ரா ஃபேஸ்லிஃப்ட் மாடலின் பின்புறத்தில் மேம்பட்ட பம்ப்பர்கள் இருபுறங்களிலும் வழங்கப்படலாம். இத்துடன் ராப்-அரவுண்ட் எல்.இ.டி. டெயில் லேம்ப்கள் வழங்கப்படுகிறது. காரின் உள்புறத்தில் முற்றிலும் புதிய கேபின், பல்வேறு புதிய அம்சங்கள் வழங்கப்படுகிறது.

இத்துடன் 8.0 இன்ச் தொடுதிரை வசதி கொண்ட இன்ஃபோடெயின்மென்ட் சிஸ்டம் ஆப்பிள் கார் பிளே, ஆண்ட்ராய்டு ஆட்டோ, டூயல் சோன் கிளைமேட் கண்ட்ரோல், கூல்டு முன்புற இருக்கைகள், வெஹிகில் ஸ்டேபிலிட்டி கண்ட்ரோல் உள்ளிட்டவையும் வழங்கப்படுகிறது.
Tags:    

Similar News