உற்பத்தியில் புதிய மைல்கல் எட்டி அசத்திய நிசான் மேக்னைட்

நிசான் நிறுவனத்தின் மேக்னைட் மாடல் இந்திய உற்பத்தியில் ஒரு லட்சம் யூனிட்கள் எனும் மைல்கல்லை எட்டியது. நிசான் மேக்னைட் மாடலின் ஒரு லட்சமாவது யூனிட் அந்நிறுவனத்தின் சென்னை ஆலையில் இருந்து வெளியிடப்பட்டது.

இந்திய சந்தையில் அறிமுகமான 30 மாதங்களில் இந்த மைல்கல்லை நிசான் நிறுவனம் எட்டியுள்ளது. தற்போது நிசான் மேக்னைட் மாடல் XE, XL, XV, டர்போ, பிரீமியம், பிரீமியம் டர்போ (O), மற்றும் கெசா எடிஷன் போன்ற வேரியண்ட்களில் விற்பனை செய்யப்படுகிறது.

நிசான் மேக்னைட் மாடலில் 1.0 லிட்டர் மர்றும் 1.0 லிட்டர் டர்போ பெட்ரோல் என இருவித என்ஜின் ஆப்ஷன்களில் கிடைக்கிறது. இவை முறையே 71 ஹெச்பி பவர், 96 நியூட்டன் மீட்டர் டார்க் மற்றும் 99 ஹெச்பி பவர், 152 நியூட்டன் மீட்டர் டார்க் இழுவிசையை வெளிப்படுத்துகின்றன.

இதன் 1.0 லிட்டர் என்ஜினுடன் 5 ஸ்பீடு மேனுவல் கியர்பாக்ஸ், 1.0 லிட்டர் டர்போ பெட்ரோல் என்ஜினுடன் 5 ஸ்பீடு மேனுவல் மற்றும் CVT டிரான்ஸ்மிஷன் வழங்கப்படுகிறது.