கார்

400 கிமீ ரேன்ஜ் வழங்கும் எலெக்ட்ரிக் கார் கான்செப்ட் அறிமுகம் - சிட்ரோயன் அதிரடி

Update: 2022-09-30 08:55 GMT
  • பிரென்ச் நாட்டு கார் உற்பத்தியாளரான சிட்ரோயன் முற்றிலும் புது எலெக்ட்ரிக் கார் கான்செப்ட்-ஐ அறிமுகம் செய்தது.
  • இந்த கான்செப்ட் சிட்ரோயன் நிறுவனம் குறைந்த விலை எலெக்ட்ரிக் கார்களை அறிமுகம் செய்ய இருப்பதை குறிக்கும் வகையில் உள்ளது.

சிட்ரோயன் நிறுவனத்தின் அதிகம் எதிர்பார்க்கப்பட்ட ஆல்-இ எலெக்ட்ரிக் கார் கான்செப்ட் மாடல் அறிமுகம் செய்யப்பட்டது. புதிய ஆல்-இ கான்செப்ட் போக்குவரத்தை குறைந்த விலையில், அதிக மகிழ்ச்சியான ஒன்றாக, மதிப்பு மிக்கதாக, பயனுள்ளதாக மாற்றும் இலக்கை கொண்டிருக்கிறது.

ஆல்-இ கான்செப்ட் மாடல் முற்றிலும் புதிய டிசைன் கொண்டிருக்கிறது. இந்த மாடல் செயல்திறன், சீரான இயக்கம் மற்றும் அதிக தரமுள்ளதாக உருவாக்கப்பட இருக்கிறது. எதிர்காலத்தில் குறைந்த விலை, எடை கொண்ட எலெக்ட்ரிக் வாகனங்களை அறிமுகம் செய்ய சிட்ரோயன் திட்டம் வைத்திருப்பதை உணர்த்தும் வகையில் இந்த கான்செப்ட் அமைந்து இருப்பதாக கூறப்படுகிறது.

சிட்ரோயன் ஆல்-இ கான்செப்ட் பிளாட் பொனெட், ரூப், மற்றும் பிக்-அப் பெட் பேனல்களை கொண்டிருக்கிறது. இத்துடன் ஸ்டீல்/அலுமினியம் ஹைப்ரிட் வீல்கள் குட்-இயர் ஈகிள் கோ கான்செப்ட் டயர்களை கொண்டுள்ளன. இந்த காரில் 40 கிலோவாட் ஹவர் பேட்டரியை கொண்டு 400 கிலோமீட்டர் வரை பயணம் செய்ய முியும். இந்த கார் அதிகபட்சமாக மணிக்கு 110 கிலோமீட்டர் வேகத்தில் செல்லும் திறன் கொண்டுள்ளது.

மேலும் காரை 0 முதல் 80 சதவீதம் வரை சார்ஜ் செய்ய 23 நிமிடங்களே ஆகும். ஆல்-இ காரை மிக எளிதில் மறுசுழற்சி செய்திட முடியும். ஒருவேளை மறுசுழற்ச்சி செய்ய முடியாத நிலை ஏற்படும் பட்சத்தில் இதன் பாகங்களை மற்ற மாடல்களில் பயன்படுத்திக் கொள்ளலாம்.

Tags:    

Similar News