2021 போர்ஸ் குர்கா வினியோக விவரம்

போர்ஸ் மோட்டார்ஸ் நிறுவனம் 2021 குர்கா எஸ்.யு.வி. மாடலை கடந்த மாதம் அறிமுகம் செய்தது. இந்தியாவில் புதிய குர்கா மாடல் விலை ரூ. 13.59 லட்சம், எக்ஸ்-ஷோரூம் என நிர்ணயம் செய்யப்பட்டது. 

இந்த நிலையில், புதிய குர்கா மாடல் நாடு முழுக்க வினியோகம் செய்யும் பணிகள் துவங்கி உள்ளன. வரும் மாதங்களில் வினியோக பணிகள் பல்வேறு நிகரங்களுக்கு நீட்டிக்கப்பட இருக்கின்றன.

இந்திய சந்தையில் புதிய போர்ஸ் குர்கா மாடல் மஹிந்திரா தார் மாடலுக்கு போட்டியாக அமைகிறது. இரண்டாம் தலைமுறை மாடலான குர்கா பி.எஸ்.6 பல்வேறு மாற்றங்களை கொண்டிருக்கிறது. இந்த மாடலில் பி.எஸ்.6 புகை விதிகளுக்கு பொருந்தும் 2.6 லிட்டர் டீசல் என்ஜின் வழங்கப்பட்டு இருக்கிறது. இத்துடன் 5 ஸ்பீடு மேனுவல் கியர்பாக்ஸ் வழங்கப்படுகிறது.

புதிய 2.6 லிட்டர் டீசல் என்ஜின் 89 பி.ஹெச்.பி. திறன், 250 நியூட்டன் மீட்டர் டார்க் இழுவிசையை வெளிப்படுத்துகிறது. குர்கா பி.எஸ்.6 மாடலின் சஸ்பென்ஷன் டபுள் விஷ்போன் மற்றும் காயில் ஸ்ப்ரிங்களை கொண்டு மேம்படுத்தப்பட்டு இருக்கிறது.