டியாகோ சி.என்.ஜி. மாடலின் முன்பதிவு விவரம்

டாடா மோட்டார்ஸ் நிறுவனம் டியாகோ மற்றும் டிகோர் சி.என்.ஜி. வேரியண்ட்களை உருவாக்கும் பணிகளில் ஈடுபட்டு வருகிறது. இரு மாடல்களில் டியாகோ சி.என்.ஜி. மாடல் முதலில் அறிமுகமாகும் என கூறப்படுகிறது. 

மேலும் டியாகோ சி.என்.ஜி. மாடலுக்கான முன்பதிவுகளை சில விற்பனையாளர்கள் ஏற்கனவே துவங்கி இருப்பதாக தகவல் வெளியாகி உள்ளது. டியாகோ சி.என்.ஜி. மாடல் எக்ஸ்.இ. மற்றும் எக்ஸ்.டி. என இரண்டு வேரியண்ட்களில் அறிமுகமாகும் என கூறப்படுகிறது.

டியாகோ சி.என்.ஜி. மாடலில் 1.2 லிட்டர் ரெவோடிரான் பெட்ரோல் என்ஜின் மற்றும் சி.என்.ஜி. கிட் வழங்கப்படுகிறது. இந்த என்ஜின் 85 பி.ஹெச்.பி. திறன், 113 நியூட்டன் மீட்டர் டார்க் இழுவிசையை வெளிப்படுத்துகிறது. இதன் வெளிப்புற தோற்றத்தில் எந்த மாற்றமும் இருக்காது என தெரிகிறது.