பி.எம்.டபிள்யூ. 3 சீரிஸ் கிரான் லிமோசின் ஐகானிக் எடிஷன் இந்தியாவில் அறிமுகம்

பி.எம்.டபிள்யூ. நிறுவனம் 3 சீரிஸ் ஐகானிக் எடிஷன் மாடலை இந்திய சந்தையில் அறிமுகம் செய்தது. இதன் பெட்ரோல் மாடல் விலை ரூ. 53.50 லட்சம் என்றும் டீசல் மாடல் விலை ரூ. 54.90 லட்சம் என துவங்குகிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

புதிய லிமிடெட் எடிஷன் மாடல் குறைந்த எண்ணிக்கையிலேயே விற்பனைக்கு கிடைக்கும். 3 சீரிஸ் கிரான் லிமோசின் ஐகானிக் எடிஷன் மினரல் வைட், கார்பன் பிளாக் மற்றும் கஷ்மிரி சில்வர் போன்ற பிரத்யேக நிறங்களில் கிடைக்கிறது.

பி.எம்.டபிள்யூ. 3 சீரிஸ் மாடலின் கிரில் பகுதியில் எல்.இ.டி. லைட்கள் உள்ளன. இவை முன்புற தோற்றத்தை மேலும் அழகாக்குகிறது. இந்த காரில் 2 லிட்டர் பெட்ரோல் மற்றும் டீசல் என்ஜின் ஆப்ஷன்களில் கிடைக்கிறது. இரு என்ஜின்களுடன் 8 ஸ்பீடு ஸ்டெப்டிரானிக் டிரான்ஸ்மிஷன் வழங்கப்படுகிறது.