இரண்டே நாட்களில் 50 ஆயிரம் முன்பதிவுகளை கடந்த மஹிந்திரா கார்

மஹிந்திரா நிறுவனம் சமீபத்தில் அறிமுகம் செய்த எக்ஸ்.யு.வி.700 மாடல் இரண்டே நாட்களில் சுமார் 50 ஆயிரத்திற்கும் அதிக முன்பதிவுகளை கடந்துள்ளது. முதல் நாள் முன்பதிவு 57 நிமிடங்களில் நிறைவுற்ற நிலையில், இரண்டாம் நாளில் இரண்டு மணி நேரங்களில் 25 ஆயிரம் யூனிட்கள் முன்பதிவு செய்யப்பட்டன.

முதற்கட்டமாக எக்ஸ்.யு.வி.700 மாடல் ரூ. 11.99 லட்சம், எக்ஸ்-ஷோரூம் என துவங்கியது. இந்த விலை முதல் 25 ஆயிரம் யூனிட்களுக்கு பொருந்தும். இந்தியாவில் மஹிந்திரா எக்ஸ்.யு.வி.700 மாடல் நான்கு வேரியண்ட்களில் கிடைக்கிறது. இந்த கார் பெட்ரோல் மற்றும் டீசல் என்ஜின் ஆப்ஷன்களில் கிடைக்கிறது.

புதிய மஹிந்திரா எக்ஸ்.யு.வி.700 மாடல் ஐந்து மற்றும் ஏழு பேர் அமரக்கூடிய இருக்கை அமைப்புகளில் கிடைக்கிறது. இத்துடன் மேனுவல் மற்றும் ஆட்டோமேடிக் டிரான்ஸ்மிஷன் ஆப்ஷன்களில் கிடைக்கிறது.