ஆட்டோமொபைல்
ஸ்கோடா குஷக்

ஸ்கோடா குஷக் வினியோக விவரம்

Published On 2021-07-13 07:15 GMT   |   Update On 2021-07-13 07:15 GMT
ஸ்கோடா நிறுவனத்தின் புதிய காம்பேக்ட் எஸ்.யு.வி. மாடல் குஷக் இந்திய வினியோக விவரங்களை பார்ப்போம்.


ஸ்கோடா குஷக் இந்திய வினியோகம் துவங்கி இருக்கிறது. புதிய காம்பேக்ட் எஸ்.யு.வி. மாடலின் 1 லிட்டர் வேரியண்ட் முதற்கட்டமாக வினியோகம் செய்யப்படுகிறது. இதன் 1.5 லிட்டர் வேரியண்ட் ஆகஸ்ட் மாதம் வினியோகம் செய்யப்படும் என தெரிகிறது.

இந்திய சந்தையில் மிகவும் சவால்மிக்க பிரிவாக காம்பேக்ட் எஸ்.யு.வி. இருக்கிறது. அந்த வகையில் ஸ்கோடா நிறுவனத்தின் மிகமுக்கிய வெளியீடுகளில் ஒன்றாக குஷக் உள்ளது. முன்னதாக ஸ்கோடா பிராண்டை விரிவாக்கம் செய்யும் பணிகளில் ஈடுபட இருப்பதாக அந்நிறுவனம் அறிவித்து இருந்தது. 



தற்போது ஸ்கோடா நிறுவனம் குஷக் காம்பேக்ட் எஸ்.யு.வி. மாடலை- ஆக்டிவ், ஆம்பிஷன் மற்றும் ஸ்டைல் என மூன்று வேரியண்ட்களில் விற்பனை செய்து வருகிறது. சக்திவாய்ந்த 1.5 லிட்டர் பெட்ரோல் என்ஜின் ஸ்டைல் வேரியண்டில் மட்டுமே வழங்கப்படுகிறது. ஸ்கோடா குஷக் பேஸ் வேரியண்ட், மேனுவல் டிரான்ஸ்மிஷன் ஆப்ஷனில் மட்டுமே வழங்கப்படுகிறது.

ஸ்கோடா குஷக் அனைத்து வேரியண்ட்களும் 6 ஸ்பீடு மேனுவல் டிரான்ஸ்மிஷன் உடன் வழங்கப்படுகிறது. இதன் 1 லிட்டர் என்ஜினுடன் 6 ஸ்பீடு ஆட்டோமேடிக், 1.5 லிட்டர் என்ஜினுடன் 7 ஸ்பீடு டூயல் கிளட்ச் ஆட்டோமேடிக் டிரான்ஸ்மிஷனை தேர்வு செய்து கொள்ளலாம்.
Tags:    

Similar News