ஆட்டோமொபைல்
ஸ்கோடா ஆக்டேவியா

புத்தம் புது ஸ்கோடா ஆக்டேவியா இந்தியாவில் அறிமுகம்

Published On 2021-06-11 08:51 GMT   |   Update On 2021-06-11 08:51 GMT
ஸ்கோடா நிறுவனத்தின் அதிகம் எதிர்பார்க்கப்பட்ட ஆக்டேவியா மாடல் இரண்டு வேரியண்ட்களில் கிடைக்கிறது.

ஸ்கோடா ஆட்டோ இந்தியா நிறுவனம் 2021 ஆக்டேவியா மாடலை இந்திய சந்தையில் அறிமுகம் செய்தது. புது ஆக்டேவியா துவக்க விலை ரூ. 25.99 லட்சம், எக்ஸ்-ஷோரூம் ஆகும். இந்த மாடல் ஸ்டைல் மற்றும் எல் அண்ட் கே என இரண்டு வேரியண்ட்களில் கிடைக்கிறது. புது ஆக்டேவியா ஐந்து நிறங்களில் கிடைக்கிறது.

புதிய ஸ்கோடா ஆக்டேவியா முந்தைய மாடலை விட வெளிப்புறம் அதிக மாற்றங்கள் செய்யப்பட்டு இருக்கிறது. அதன்படி இந்த காரில் புது எல்இடி ஹெட்லேம்ப்கள், பட்டர்பிளை கிரில், செங்குத்தான ஸ்லாட்கள், புதிய 17 இன்ச் அலாய் வீல்கள், எல்இடி டெயில் லைட், பாக் லைட் உள்ளிட்டவை வழங்கப்பட்டு இருக்கிறது.



உள்புறம் 2 ஸ்போக் ஸ்டீரிங் வீல், ஷ்பிட்-பை-வயர் கியர்ஸ்டிக், 10 இன்ச் தொடுதிரை வசதி கொண்ட இன்போடெயின்மென்ட் சிஸ்டம், டூயல்-சோன் கிளைமேட் கண்ட்ரோல், 10.25 இன்ச் டிஜிட்டல் இன்ஸ்ட்ரூமென்ட் கன்சோல் வழங்கப்பட்டுள்ளது.

புதிய தலைமுறை ஸ்கோடா ஆக்டேவியா 2.0 லிட்டர் டிஎஸ்ஐ பெட்ரோல் என்ஜின் கொண்டிருக்கிறது. இந்த என்ஜின் 187 பிஹெச்பி பவர், 320 என்எம் டார்க் செயல்திறன் வழங்குகிறது. இத்துடன் 7 ஸ்பீடு டிஎஸ்ஜி யூனிட் வழங்ப்பட்டு இருக்கிறது.
Tags:    

Similar News