சி கிளாஸ் மாடல்கள் விலையை உயர்த்திய மெர்சிடிஸ் பென்ஸ்

மெர்சிடிஸ் பென்ஸ் நிறுவனம் இந்திய சந்தையில் சி கிளாஸ் செடான் மாடல்கள் விலையை உயர்த்தி இருக்கிறது. இந்தியாவில் சி கிளாஸ் மாடல் மூன்று வேரியண்ட்கள் - சி200 புரோகிரெசிவ், சி220டி புரோகிரெசிவ் மற்றும் டாப் எண்ட் சி300டி ஏஎம்ஜி லைன் கிடைக்கிறது.

இவற்றில் சி200 புரோகிரெசிவ், சி220டி புரோகிரெசிவ் மாடல்கள் விலை உயர்த்தப்பட்டு இருக்கும் நிலையில், சி300டி ஏஎம்ஜி லைன் மாடல் இந்திய வலைதளத்தில் இருந்து நீக்கப்பட்டு இருக்கிறது. சி200 புரோகிரெசிவ் வேரியண்ட் விலை ரூ. 59,863 உயர்த்தப்பட்டு இருக்கிறது. 

இந்த மாடலில் 2.0 லிட்டர் பெட்ரோல் என்ஜின் வழங்கப்பட்டுள்ளது. இது 201 பிஹெச்பி பவர், 300 என்எம் டார்க் செயல்திறன் வழங்குகிறது. இத்துடன் 9 ஸ்பீடு ஆட்டோமேடிக் டிரான்ஸ்மிஷன் வழங்கப்பட்டு இருக்கிறது.

மெர்சிடிஸ் பென்ஸ் சி220சி புரோகிரெசிவ் வேரியண்ட் விலை ரூ. 59,237 உயர்த்தப்பட்டு இருக்கிறது. இந்த மாடலில் 2.0 லிட்டர் டர்போ டீசல் என்ஜின் வழங்கப்பட்டு இருக்கிறது. இது 192 பிஹெச்பி பவர், 400 என்எம் டார்க் செயல்திறன் வழங்குகிறது.