ஆட்டோமொபைல்
2021 மஹிந்திரா பொலிரோ வெளியீட்டு விவரம்
மஹிந்திரா நிறுவனம் 2021 பொலிரோ மாடலை அறிமுகம் செய்வதற்கான பணிகளில் ஈடுபட்டு வருகிறது.
மஹிந்திரா நிறுவனத்தின் 2021 பொலிரோ மாடல் ஸ்பை படங்கள் மற்றும் வீடியோக்கள் பலமுறை இணையத்தில் வெளியாகி இருக்கின்றன. இவைகளில் இருந்து புது மாடல் எதிர்கொள்ள இருக்கும் மாற்றங்கள் ஓரளவு தெரியவந்துள்ளது. தற்போது புது பொலிரோ மாடல் ஜூன் மாத வாக்கில் அறிமுகம் செய்யப்பட இருப்பதாக கூறப்படுகிறது.
2021 பொலிரோ மாடலில் பிஎஸ்6 ரக 1.5 லிட்டர், 3 சிலிண்டர் எம்-ஹாக் டீசல் என்ஜின் வழங்கப்பட இருக்கிறது. இந்த என்ஜின் 75 பிஹெச்பி பவர், 210 என்எம் டார்க் செயல்திறன் வழங்குகிறது. இத்துடன் 5 ஸ்பீடு மேனுவல் கியர்பாக்ஸ் வழங்கப்படுகிறது.
முந்தைய ஸ்பை படங்களில் புது பொலிரோ மாடல் டூயல்-டோன் பெயின்ட் கொண்டிருக்கும் என தெரியவந்தது. கார் முழுக்க ரெட் நிறமும், முன்புற பம்ப்பர் மற்றும் கிரில் பகுதிகள் சில்வர் நிறம் கொண்டிருக்கும். இத்துடன் மேம்பட்ட ஹெட்லேம்ப்கள் பாடி நிற ORVM-கள் வழங்கப்படுகின்றன.