ஆட்டோமொபைல்
சிட்ரோயன் சி5 ஏர்கிராஸ்

சிட்ரோயன் சி5 ஏர்கிராஸ் இந்திய வெளியீட்டு விவரம்

Published On 2021-04-22 06:52 GMT   |   Update On 2021-04-22 06:52 GMT
சிட்ரோயன் நிறுவனம் சமீபத்தில் அறிமுகம் செய்த சி5 ஏர்கிராஸ் எஸ்யுவி மாடல் இரண்டு வேரியண்ட்களில் விற்பனை செய்யப்படுகிறது.


சிட்ரோயன் நிறுவனத்தின் சி5 ஏர்கிராஸ் மாடல் வினியோகம் இந்தியாவில் துவங்கி இருக்கிறது. முன்னதாக இம்மாத துவக்கத்தில் இந்த மாடல் இந்திய சந்தையில் அறிமுகம் செய்யப்பட்டது. இதன் துவக்க விலை ரூ. 29.90 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

அதிக விலை நிர்ணயம் செய்யப்பட்டுள்ள போதும், இந்த மாடல் சந்தையில் நல்ல வரவேற்பை பெற்று வருவதாக கூறப்படுகிறது. சிட்ரோயன் சி5 ஏர்கிராஸ் மாடல் பீல் மற்றும் ஷைன் என இரண்டு வேரியண்ட்களில் கிடைக்கிறது. இதன் டாப் எண்ட் மாடல் விலை ரூ. 31.90 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.



புதிய சிட்ரோயன் சி5 ஏர்கிராஸ் மாடலில் 2.0 லிட்டர் டீசல் என்ஜின் வழங்கப்படுகிறது. இந்த என்ஜின் 174 பிஹெச்பி பவர், 400 என்எம் டார்க் செயல்திறன் வழங்குகிறது. இத்துடன் 8 ஸ்பீடு டார்க் கன்வெர்டர் ஆட்டோமேடிக் டிரான்ஸ்மிஷன் வழங்கப்படுகிறது.

சிட்ரோயன் சி5 ஏர்கிராஸ் மாடல் ஏழு வித நிறங்களில் கிடைக்கிறது. இந்த மாடல் ஜீப் காம்பஸ், ஹூண்டாய் டக்சன் மற்றும் விரைவில் அறிமுகமாக இருக்கும் போக்ஸ்வேகன் டிகுவான் போன்ற மாடல்களுக்கு போட்டியாக அமைகிறது.
Tags:    

Similar News