ஆட்டோமொபைல்
விற்பனையகம் வந்தடைந்த புது லோகோ கொண்ட கியா சொனெட்
கியா மோட்டார்ஸ் நிறுவனத்தின் சொனெட் மாடல் புது லோகோவுடன் விற்பனைக்கு வர இருக்கிறது.
கியா மோட்டார்ஸ் நிறுவனம் இந்தியாவில் விற்பனை செய்யப்படும் தனது வாகனங்களில் புது லோகோ பொருத்தி வருகிறது. புதிய லோகோ கொண்ட கியா கார்கள் விற்பனையகம் வரத்துவங்கி இருக்கிறது. முன்னதாக கியா மோட்டார்ஸ் தனது புது லோகோவை ஜனவரி 6 ஆம் தேதி வெளியிட்டது.
தற்போது புதிய லோகோ கொண்ட கியா சொனெட் மாடல் விற்பனையகம் வந்தடைந்த புகைப்படங்கள் வெளியாகி இருக்கிறது. இந்த காரில் புது லோகோ பொனெட் மற்றும் பூட்லிட் பகுதிகளில் பொருத்தப்பட்டு இருக்கிறது. கியா சொனெட் போன்றே செல்டோஸ் மாடலிலும் புது லோகோ வழங்கப்படும் என தெரிகிறது.
கியா நிறுவனம் விரைவில் தனது செல்டோஸ் மாடலின் புது வேரியண்டை அறிமுகம் செய்ய இருக்கிறது. இது செல்டோஸ் கிராவிட்டி என அழைக்கப்படலாம் என தெரிகிறது. இந்த வேரியண்ட் காஸ்மெடிக் மாற்றங்களை கொண்டுள்ளது.