ஆட்டோமொபைல்
மாருதி சுசுகி கார்கள் விலையில் திடீர் மாற்றம்
மாருதி சுசுகி நிறுவனத்தின் சில கார் மாடல்கள் விலை மட்டும் இந்தியாவில் திடீரென மாற்றப்பட்டு இருக்கிறது.
இந்தியாவின் முன்னணி கார் உற்பத்தியாளரான மாருதி சுசுகி இந்தியா லிமிடெட் தனது கார் மாடல்கள் விலையை 1.6 சதவீதம் உயர்த்தி இருக்கிறது. இது கார்களின் எக்ஸ்-ஷோரூம் விலையில் பிரதிபலிக்கும். எந்தெந்த மாடல்கள் விலை உயர்த்தப்படுகிறது என்ற விவறங்கள் இதுவரை வெளியிடப்படவில்லை.
கடந்த மாதமே கார் மாடல்களின் உற்பத்தி செலவீனங்கள் அதிகரிப்பதால், விரைவில் விலை உயர்த்துவதாக மாருதி சுசுகி அறிவித்து இருந்தது. அந்த வரிசையில், கார்களின் விலை 1.6 சதவீதம் உயர்த்தப்படுவதாக மாருதி சுசுகி அறிவித்தது. இந்த ஆண்டு துவக்கம் முதலே மாருதி கார் விலை இரண்டாவது முறையாக உயர்த்தப்படுகிறது.
மார்ச் மாதத்தில் மட்டும் மாருதி சுசுகி நிறுவனம் 1,67,014 யூனிட்களை விற்பனை செய்தது. இது கடந்த ஆண்டு மார்ச் மாதத்துடன் ஒப்பிடும் போது 99 சதவீதம் வளர்ச்சி ஆகும்.