ஆட்டோமொபைல்
ஹூண்டாய் கார் மாடல்களுக்கு அசத்தல் சலுகை அறிவிப்பு
நாடு முழுக்க ஹூண்டாய் கார் விற்பனையாளர்கள் ஏப்ரல் மாதத்திற்கான சலுகையை அறிவித்து இருக்கின்றனர்.
ஹூண்டாய் நிறுவனத்தின் தேர்வு செய்யப்பட்ட விற்பனையாளர்கள் வாடிக்கையாளர்களுக்கு அசத்தலான சலுகை வழங்கி வருகின்றனர். இவை தள்ளுபடி, எக்சேன்ஜ் போனஸ் மற்றும் கார்ப்பரேட் தள்ளுபடி வடிவில் வழங்கப்படுகின்றன.
அதன்படி ஹூண்டாய் சான்ட்ரோவின் Era தவிர மற்ற வேரியண்ட்களுக்கு சலுகை வழங்கப்படுகிறது. இதில் ரூ. 20 ஆயிரம் தள்ளுபடி, ரூ. 10 ஆயிரம் எக்சேன்ஜ் போனஸ் வழங்கப்படுகிறது. ஹூண்டாய் ஔரா டர்போ பெட்ரோல் வேரியண்ட் ரூ. 30 ஆயிரம் தள்ளுபடி, ரூ. 15 ஆயிரம் எக்சேன்ஜ் போனஸ், சிஎன்ஜி வேரியண்ட் ரூ. 10 ஆயிரம் எக்சேன்ஜ் போனஸ் உடன் வழங்கப்படுகிறது.
கிராண்ட் ஐ10 நியோஸ் மாடலின் பெட்ரோல் மற்றும் சிஎன்ஜி வேரியண்ட் ரூ. 10 ஆயிரம் தள்ளுபடி மற்றும் எக்சேன்ஜ் போனஸ் வழங்கப்படுகிறது. இதன் டர்போ வேரியண்டிற்கு ரூ. 30 ஆயிரம் தள்ளுபடி, ரூ. 10 ஆயிரம் எக்சேன்ஜ் போனஸ் வழங்கப்படுகிறது.
புதிய தலைமுறை ஐ20 iMT டர்போ பெட்ரோல் மற்றும் டீசல் மாடல்களுக்கு சலுகை வழங்கப்படுகிறது. இரு வேரியண்ட்களுக்கும் ரூ. 10 ஆயிரம் எக்சேன்ஜ் போனஸ் வழங்கப்படுகிறது. இத்துடன் ரூ. 5 ஆயிரம் கார்ப்பரேட் சலுகை வழங்கப்படுகிறது.