பிஎம்டபிள்யூ எம்340ஐ எக்ஸ்டிரைவ் முன்பதிவு துவக்கம்

பிஎம்டபிள்யூ இந்தியா நிறுவனம் எம்340ஐ எக்ஸ்டிரைவ் மாடலுக்கான முன்பதிவை துவங்கி இருக்கிறது. புதிய ஸ்போர்ட்ஸ் செடான் மாடல் குறைந்த எண்ணிக்கையிலேயே விற்பனை செய்யப்படுகிறது. புதிய மாடலுக்கான முன்பதிவு பிஎம்டபிள்யூ ஆன்லைன் தளத்தில் நடைபெறுகிறது. இதற்கான முன்பதிவு கட்டணம் ரூ. 1 லட்சம் ஆகும்.

புதிய பிஎம்டபிள்யூ மாடலை முன்பதிவு செய்யும் வாடிக்கையாளர்களுக்கு இந்தியாவின் பிரபல பந்தய களத்தில் ரேசிங் பயிற்சி மேற்கொள்ளலாம். பிஎம்டபிள்யூ சான்று பெற்ற பயிற்சியாளர்கள் வாடிக்கையாளர்களுக்கு ரேசிங் யுக்திகளை கற்று கொடுப்பார்கள். இதன்மூலம் வாடிக்கையாளர்கள் புதிய எம்340ஐ மாடலை முழுமையாக பயன்படுத்த முடியும்.

பிஎம்டபிள்யூ எம்340ஐ எக்ஸ்டிரைவ் மாடலில் இன்-லைன் 6 சிலிண்டர் ட்வின் டர்போ 3.0 லிட்டர் என்ஜின் கொண்டிருக்கிறது. இந்த என்ஜின் 385 பிஹெச்பி பவர், 500 என்எம் டார்க் செயல்திறன் வழங்குகிறது. இத்துடன் 8 ஸ்பீடு ஸ்டெப்டிரானிக் டிரான்ஸ்மிஷன் வழங்கப்படுகிறது.