ஆடி ஏ4 பேஸ்லிப்ட் இந்திய வெளியீட்டு விவரம்

ஆடி நிறுவனம் தனது ஏ4 பேஸ்லிப்ட் மாடலை இந்திய சந்தையில் ஜனவரி 5 ஆம் தேதி அறிமுகம் செய்ய இருக்கிறது. மேலும் இந்த மாடலுக்கான முன்பதிவு ஏற்கனவே துவங்கி நடைபெற்று வருகிறது. புதிய ஆடி ஏ4 பேஸ்லிப்ட் முன்பதிவு கட்டணம் ரூ. 2 லட்சம் என நிர்ணயம் செய்யப்பட்டு உள்ளது.

புதிய ஏ4 பேஸ்லிப்ட் கார் மாடலின் வெளிப்புறம், உள்புறங்களில் அப்டேட் செய்யப்பட்டு இருக்கின்றன. அதன்படி மேம்பட்ட முன்புற பம்ப்பர், கிரில், புதிய மேட்ரிக்ஸ் எல்இடி ஹெட்லேம்ப்கள், புது டெயில் லைட் உள்ளிட்டவை வழங்கப்படுகின்றன.

இந்த காரில் 2.0 லிட்டர் டிஎப்எஸ்ஐ பெட்ரோல் என்ஜின் வழங்கப்படும் என கூறப்படுகிறது. இந்த என்ஜின் 188 பிஹெச்பி பவர், 320 என்எம் டார்க் செயல்திறன் வழங்குகிறது. 

இந்திய சந்தையில் அறிமுகமானதும் புதிய ஆடி ஏ4 பேஸ்லிப்ட் மாடல் மெர்சிடிஸ் பென்ஸ் சி கிளாஸ், பிஎம்டபிள்யூ 3 சீரிஸ் மற்றும் ஜாகுவார் எக்ஸ்இ போன்ற மாடல்களுக்கு போட்டியாக இருக்கும்.