ஆட்டோமொபைல்
மஹிந்திரா தார்

மஹிந்திரா தார் பேஸ் மாடல் அதன் வலைதளத்தில் இருந்து நீக்கம்

Published On 2020-11-10 06:53 GMT   |   Update On 2020-11-10 06:53 GMT
மஹிந்திரா நிறுவனத்தின் புதிய தார் பேஸ் மாடல் அந்நிறுவனத்தின் அதிகாரப்பூர்வ வலைதளத்தில் இருந்து நீக்கப்பட்டு இருக்கிறது.


மஹிந்திரா & மஹிந்திரா நிறுவனம் தனது புதிய தார் எஸ்யுவி மாடலை சில வாரங்களுக்கு முன் இந்திய சந்தையில் அறிமுகம் செய்ததது. புதிய தார் மாடல் இந்தியாவில் பல்வேறு வேரியண்ட்களை கொண்டிருந்தது. மேலும் இதன் துவக்க விலை ரூ. 9.80 லட்சம், எக்ஸ்-ஷோரூம் என நிர்ணயம் செய்யப்பட்டு இருந்தது.

இந்நிலையில் மஹிந்திரா நிறுவனம் தனது தார் ஏஎக்ஸ் எஸ்டிடி, ஏஎக்ஸ் பெட்ரோல் மற்றும் எஸ்எக்ஸ் டீசல் வேரியண்ட்களை தார் வலைதளத்தில் இருந்து சத்தமின்றி நீக்கி இருக்கிறது. 



மஹிந்திரா தார் மூன்று பேஸ் வேரியண்ட்கள் அதன் வலைதளத்தில் இருந்து நீக்கப்பட்டு உள்ளதால் இதன் துவக்க விலை ரூ. 11.90 லட்சம், எக்ஸ் ஷோரூம் என மாறி இருக்கிறது.

தற்சமயம் தார் என்ட்ரி லெவல் மாடல் ஏஎக்ஸ் (ஒ) ஆகும். இது கன்வெர்டிபில் ரூப் மற்றும் பல்வேறு இதர வசதிகள் வழங்கப்பட்டு இருக்கின்றன. மூன்று பேஸ் வேரியண்ட்களை வலைதளத்தில் இருந்து நீக்கியதற்கான காரணத்தை மஹிந்திரா இதுவரை அறிவிக்கவில்லை. 
Tags:    

Similar News