ஆட்டோமொபைல்
கியா செல்டோஸ் ஸ்பெஷல் எடிஷன் விவரங்கள்
கியா மோட்டார்ஸ் நிறுவனத்தின் புதிய செல்டோஸ் ஸ்பெஷல் எடிஷன் மாடல் விவரங்கள் இணையத்தில் வெளியாகி உள்ளது.
கியா மோட்டார்ஸ் நிறுவனம் கடந்த ஆண்டு ஆகஸ்ட் மாத வாக்கில் இந்திய சந்தையில் அறிமுகமானது. இந்நிறுவனம் செல்டோஸ் காம்பேக்ட் எஸ்யுவி மாடலை இந்திய சந்தையில் தனது முதல் வாகனமாக அறிமுகம் செய்தது.
தற்சமயம் இந்நிறுவனம் தனது செல்டோஸ் காரின் ஸ்பெஷல் எடிஷனை அறிமுகம் செய்ய இருக்கிறது. இது அனிவர்சரி எடிஷன் என அழைக்கப்பட இருக்கிறது. புதிய ஸ்பெஷல் எடிஷன் செல்டோஸ் பற்றிய விவரங்கள் இணையத்தில் வெளியாகி உள்ளது.
அதன்படி புதிய ஸ்பெஷல் எடிஷன் செல்டோஸ் ஹெச்டிஎக்ஸ் ட்ரிமில் மட்டும் கிடைக்கும் என்றும் இந்த கார் வெளிப்புளம் மற்றும் உள்புறங்களில் மாற்றம் செய்யப்படும் என தெரியவந்துள்ளது. இது நான்குவித நிறங்களில் கிடைக்கும் என தெரிகிறது.
கியா செல்டோஸ் ஹெச்டிஎக்ஸ் வேரியண்ட்டில் 1.5 லிட்டர் பெட்ரோல் மற்றும் 1.5 லிட்டர் டீசல் என்ஜின் ஆப்ஷன்களில் கிடைக்கும் என தெரிகிறது. இவை முறையே 113 பிஹெச்பி மற்றும் 144 என்எம் டார்க் செயல்திறன், 113 பிஹெச்பி மற்றும் 250 என்எம் டார்க் செயல்திறன் வழங்குகிறது.